د وترنري علومو پوهنځي محصلینو تر منځ د حسن قرائت سیالي ترسره شوه.
د ننګرهار پوهنتون وترنري علومو پوهنځي د خپلو محصلینو تر منځ د قرانکریم د حسن قرائت سیالي ترسره کړه، چې په کې ددې پوهنځي ۳۸ تنو محصلینو او حافظانو برخه لرله.
د پوهنځي د مسؤلینو په وینا، له یادې سیالۍ څخه یې موخه د محصلینو د قرائت مهارتونو پیاوړتیا، جرئت لوړول او پوهنځي کې دیني ارزښتونو ته وده ورکول دي.
د ننګرهار پوهنتون د محصلانو چارو مرستیال پوهنیار حافظ سید محمد قاسم هاشمي د یادې سیالۍ او ورته نورو پروګرامونو په ارزښت خبرې وکړې او د پوهنځي له مسؤلینو یې مننه وکړه، چې محصلینو ته دغه ډول دیني او روزنیز پروګرامونه جوړوي.
ورپسې د حسن قرائت سیالي پیل شوه، چې د ارزوونکو له خوا لومړی، دویم او درېیم مقام ګټونکي محصلین په ډالیو ونازول شول.
