په ختیځ کې د دولتي او خصوصي پوهنتونونو مسؤلینو او استادانو د ملګرو ملتونو له خوا د لوړو زده کړو پر سرپرست وزیر د لګېدلو بندیزونو په غبرګون کې اعتراضیه غونډه وکړه.

nu_admin
دوشنبه ۱۴۰۱/۵/۱۷ - ۱۰:۹
image

 

یاد کنفرانس، چې د محرم په ۹مه نېټه د ننګرهار پوهنتون په کوربتوب ترسره شو، ویناوالو یې د غندنې تر څنګ د هېواد په تحصیلي نظام د یادو بندیزونو د ناوړه اغېزو او بدو پایلو په اړه مقالې او ویناوې واورولې.

په نوموړي اعتراضیه کنفرانس کې د ننګرهار پوهنتون مشرتابه پلاوي، د لوړو زده کړو وزارت فوق العاده استازي، د ننګرهار، لغمان، کونړ او نورستان ولایتونو د دولتي او خصوصي پوهنتونونو او لوړو زده کړو موسسو مسؤلینو، استادانو اداري کارکوونکو او د رسنیو استازو برخه لرله.

د کنفرانس د پرانيستې وینا پر مهال د ننګرهار پوهنتون رئيس پوهاند دوکتور خليل احمد بهسودوال د هېواد موجوده علمي، سیاسي او ټولنیز وضعیت ته په کتلو د ملګرو ملتونو یاده پرېکړه وغندله او یاده چاره یې یو غیر قانوني اقدام او د ټولو نړیوالو اصولو او معاهداتو خلاف مغرضانه عمل وباله.

پوهاند بهسودوال د لوړو زده کړو د سرپرست وزیر شیخ عبدالباقي حقاني په فعالیتونو او لاسته راوړنو رڼا واچوله او زیاته یې کړه، چې نوموړي نه یوازې دا چې د لوړو زده کړو نظام او سیستمونه وساتل، بلکې د هغې د پیاوړتیا او پرمختګ لپاره یې زیاتې هلې ځلې وکړې.

نوموړي ژر تر ژره د یادو بندیزونو د لیرې کېدو تر څنګ له نړیوالې ټولنې غوښتنه وکړه، چې په تحصیلي برخه کې دې له افغانانو سره هر اړخیزې مرستې وکړي او دا جګړه ځپلی ولس دې له نورو ننګونو او فشارونو سره نه مخ کوي.

د ننګرهار پوهنتون د حقوقو او سیاسي علومو پوهنځي استاد پوهنمل سید بنارس هاشمي له حقوقي پلوه د یادو بندیزونو د ارزونې په اړه ترتیب کړی پریزنټیشن وړاندې کړ او یاد بندیزونه یې د ټولو نړیوالو اصولو خلاف عمل وباله.

د لغمان پوهنتون رئیس پوهنیار محب الله هدایت، د کونړ سید جمال الدین افغاني پوهنتون رئیس پوهنیار محب الله محب او د افغانستان د خصوصي پوهنتونونو اتحادیې د مطبوعاتو او عامه اړیکو رئیس محمد کریم ناصري د غونډې نور ویناوال وو، چې د خپلو ویناوو په ترڅ کې یې د لوړو زده کړو پر وزیر بندیزونه د هېواد پر تحصیلي نظام بندیزونه وبلل او په نړیوالو یې غږ وکړ، چې د بندیزونو پر ځای د تعامل او تعاون لاره خپله کړي.

د پروګرام په وروستۍ برخه کې د ننګرهار پوهنتون د علمي چارو مرستیال پوهنمل احسان الله ناصح له خوا په ۶ مادو کې د غونډې پرېکړه لیک ولوستل شو، چې په کې د یاد غیر عادلانه عمل د غندنې او له منځه وړلو تر څنګ د هېواد په تحصیلي نظام د هغې په لنډ مهالو او اوږد مهالو ناوړه پایلو بحث شوی ؤ.

یاده اعتراضیه غونډه د ننګرهار پوهنتون د شرعیاتو پوهنځي رئیس پوهاند دوکتور اسرارالحی منیب په دعایه وینا پای ته ورسېده.

سرچینه: د اړیکو، نشراتو او عامه پوهاوي آمریت

تازه خبرونه

سه‌شنبه ۱۴۰۱/۷/۵ - ۱۲:۴۲
Background image

د ننګرهار پوهنتون مشرتابه د علمي تحقیقاتو، معلوماتي ټکنالوژۍ او کتابتون آمریتونو څخه لیدنه وکړه.

 

د ننګرهار پوهنتون رئیس پوهاند دوکتور خلیل احمد بهسودوال د لوړو زده کړو وزارت فوق العاده استازي او د پوهنتون د اداري او مالي چارو مرستیال پوهنیار قاضي خالد صداقت په ملتیا د نړیوال. . .

سه‌شنبه ۱۴۰۱/۷/۵ - ۱۲:۳۹
Background image

د ننګرهار پوهنتون علمي شورا ددې پوهنتون د رئيس پوهاند دوکتور خليل احمد بهسودوال په مشرۍ غونډه وکړه.

 

په نوموړي کاري ناسته کې، چې د وږي په ۳۰مه نېټه په ریاست مقام کې ترسره شوه او د پوهنتون مرستیالانو، د بېلابېلو پوهنځيو او تدریسي روغتون رئيسانو او استادانو په کې برخه لرله، د پوهنتون. . .

سه‌شنبه ۱۴۰۱/۷/۵ - ۱۲:۳۵
Background image

د ننګرهار پوهنتون مشرتابه د خراسان پوهنتون دوه تنه استادان تقدیر کړل.

 

د خراسان خصوصي پوهنتون دوه تنو استادانو انجنیر زلمي احمدزي او انجنیر نصیر آغا شېرزاد، چې د ننګرهار پوهنتون انجنیري پوهنځي سره د تېرو څلور کالو راهیسې د تدریس او محصلینو روزنې په برخه. . .

BACK TO NEWS