ننګرهار پوهنتون کې د یو تفریحي پارک د جوړېدو چارې په چټکۍ سره پر مخ روانې دي.
یاد پارک د ننګرهار پوهنتون ریاست مقام او د ننګرهار ولایت اقتصاد ریاست په ګډو هلو ځلو د درې سوه زرو (۳۰۰،۰۰۰) افغانیو په مالي لګښت د یوې میاشتې په موده کې جوړیږي.
د ننګرهار پوهنتون د رئیس شیخ انعام الله مدني په وینا، هڅه کوي چې په پوهنتون کې د غوره تدریسي چاپېریال رامنځ ته کولو او د محصلینو د ذهني ارامتیا، مطالعې او تفریح په موخه دا ډول پارکونه جوړ کړي.
نوموړي د ننګرهار ولایت د اقتصاد ریاست او همدارنګه د پوهنتون د چاپېریال ساتنې کمېټې د مسؤلینو مننه وکړه، چې د یاد پارک په جوړېدو کې یې مرسته او همکاري کړې ده.
د ننګرهار پوهنتون د چاپېریال ساتنې مرکزي کمېټې مشر پوهنوال سید اکرم هاشمي وایي، چې یاد پارک د درې سوه زره افغانیو په مالي لګښت جوړیږي، چې چارې به یې په یوه میاشت کې بشپړې شي.
