ننګرهار پوهنتون کې د جون ۵ مه د چاپېریال ساتنې نړيواله ورځ د يوې سترې غونډې په ترڅ کې ونمانځل شوه.

nu_admin
چهارشنبه ۱۴۰۳/۳/۱۶ - ۱۵:۷
 Picture

ياده نمانځغونډه، چې د ننګرهار پوهنتون او چاپېریال ساتنې ریاست په نوښت جوړه شوې وه، د دې پوهنتون د مشرتابه، مرستيالانو، د بېلابېلو پوهنځيو د رئيسانو، استادانو او محصلینو سربېره پهکې د ننګرهار ولایت د امــــ/ــارتي او خصوصي ادارو او پوهنتونونو مسؤلینو برخه لرله.
د غونډې د پرانيستې وينا پر مهال د ننګرهار پوهنتون رئيس شـــ/یخ انعام الله مدني د غونډې برخوالو ته د ښه راغلاست تر څنګ د چاپېریال ساتنې نړيوالې ورځې د نمانځې د موخو او ارزښت په اړه خبرې وکړې.
نوموړي وويل: د چاپېریال ساتنې نړیواله ورځ په ټوله نړۍ کې نمانځل کېږي، چې عمده موخه یې وګړو ته د چاپېریال د ساتنې، پاکۍ او د هغې څخه د سالمې ګټې اخیستلو په اړه د عامه پوهاوي ورکول دي.
د پوهنتون رئیس زیاته کړه: د صنعتي فابریکو زیاتوالی، د هوا، اوبو او خاورې ککړتیا، په غیر فني او مسلکي توګه د ځنګلونو وهل، د اوبو له زېرمو ناسالمه ګټه اخیستنه، د مرغانو او ژویو ښکار، اړونده برخو کې د عامه پوهاوي کموالی او نور هغه څه دي، چې دم ګړۍ یې د بشریت ژوند له ګواښ سره مخ کړی، چې په وینا یې، که مخه یې ونه نیول شي، لوی ناورینونه به رامنځته کړي.
د ننګرهار ولایت د چاپېریال ساتنې رئیس انجنیر فیروز محمدزئي د چاپېریال ساتنې ارزښت او په ساتنه کې یې د خلکو د ونډې په اړه د غونډې برخوالو ته معلومات ورکړل او د پوهنتون په استادانو، علماء کرامو او د ټولنې په نورو هغو قشرونو یې، چې په دې برخه کې عامه پوهاوی کولی شي، غږ وکړ چې خلک وپوهوي او د چاپېريال پر وړاندې شته ننګونې را کمې او لمنځه يوسي.
د غونډې په دویمه برخه کې د ننګرهار پوهنتون د چاپېریال ساتنې کمېټې د مشر پوهنوال سید اکرم هاشمي او د کرنې پوهنځي استاد پوهنوال محمد اسماعیل سعادت له خوا د ښاري چاپېریالي فرهنګ او چاپېریال ساتنې په اړه ترتیب کړي پرېزنټېشنونه وړاندې شول او د ګډونوالو پوښتنې یې ځواب کړې.
د یادو موضوعاتو سربېره د اســ/ـــلامي امــــ/ـــارت د راتګ وروسته په ننګرهار پوهنتون کې د چاپېریال ساتنې، سرسبزۍ او رغنیزو پرمختګونو ویډیويي مستند نندارې ته وړاندې شو، چې د ګډونوالو د پاملرنې سبب وګرځېد.
د غونډې ارزونه د ننګرهار پوهنتون د علمي چارو مرستیال پوهندوی مــ/ـــولوي احسان الله ناصح له لوري وشوه او د نوموړي له خوا په دعایې سره پای ته ورسېده.
سرچینه: د عامه اړیکو، اطلاعاتو او نشراتو امریت

تازه خبرونه

سه‌شنبه ۱۴۰۳/۴/۲۶ - ۲۰:۱۳
Background image

د ننګرهار پوهنتون د تضمین کیفیت مرکزي کمېټې غړو غونډه وکړه.

په یاده کاري ناسته کې، چې ددې پوهنتون د علمي چارو مرستیال په مشرۍ ترسره شوه، د تضمین کیفیت کمېټې په فعالیتونو، د پوهنځیو او څانګو ارزولو، د کمېټې د غړو روزلو او د پوهنتون د اعتبار. . .

سه‌شنبه ۱۴۰۳/۴/۲۶ - ۲۰:۱۰
Background image

ننګرهار پوهنتون کې د ښکلا او سرسبزۍ چارې په چټکۍ سره روانې دي.

یادې چارې، چې ددې پوهنتون د مشرتابه د لارښوونې او د پوهنتون د اداري او مالي چارو مرستیال تر مستقیمې څارنې لاندې د پوهنتون د اداري او خدماتي کارکوونکو له خوا جریان لري، په بشپړېدو سره به. . .

دوشنبه ۱۴۰۳/۴/۲۵ - ۱۴:۸
Background image

د ننګرهار پوهنتون او التقوی لوړو زده کړو موسسې تر منځ د ماسترۍ برنامو په برخه کې د ګډو همکاریو هوکړه لیک لاسليک شو.

د مسؤلينو په وينا، د ياد تفاهملیک له مخې به ننګرهار پوهنتون د التقوی لوړو زده کړو موسسې د حقوقو او سیاسي علومو او اقتصاد پوهنځیو کې د ماسترۍ د نویو برنامو د ایجاد په برخه کې همکاري کوي.. . .

BACK TO NEWS

User account menu