ننګرهار پوهنتون کرنې پوهنځي کې د ۵۰۰ متر مربع په مساحت شیشه یي شنه خونه جوړېږي.

nu_admin
جمعه ۱۴۰۰/۲/۱۰ - ۹:۵۰
image

 

د یاد ګلاس هاوس سربېره به د کرنې پوهنځي لسګونو محصلینو او فارغانو ته د عملي زده کړو او انټرنشیپ زمینه هم برابره شي.

یادې خبرې د ملګرو ملتونو د پرمختیايي پروګرام (UNDP)د ننګرهار سیمه ییز دفتر استازي توریالي عبدالله زي د ننګرهار پوهنتون رئیس پوهاند دوکتور خلیل احمد بهسودوال سره د لیدنې پر مهال وکړې.

نوموړي وویل: په افغانستان کې د ملګرو ملتونو د پرمختیايي پروګرام مسؤلینو او د ننګرهار پوهنتون د مشرتابه د تېرو لیدنو په تعقیب یادې ادارې ته د پوهنتون له خوا د سپارل شویو وړاندیزونو په لړ کې د اوس لپاره په دوه برخو کې غواړي مرسته او همکاري وکړي.

عبدالله زي زیاته کړه: د ادارې له خوا به یې ډېر ژر د کرنې په پوهنځي کې د محصلینو د عملي زده کړو لپاره د ۵۰۰ متر مربع په مساحت ګلاس هاوس یا شیشه یي شنه خونه جوړه او همدارنګه به د یاد پوهنځي لسګونو محصلینو او فارغانو ته له پوهنتون څخه بیرون د عملي زده کړو او انټرنشیپ زمینه هم برابره کړي.

د نوموړي په وینا، اداره یې په راتلونکې کې له ننګرهار پوهنتون سره په نورو بېلابېلو برخو کې د مرستې او ګډ کار هوډ لري.

د ننګرهار پوهنتون رئیس پوهاند دوکتور خلیل احمد بهسودوال په افغانستان کې د ملګرو ملتونو پرمختیايي ادارې له مشرتابه مننه وکړه، چې په علمي او څېړنیزو برخو کې له ننګرهار پوهنتون سره مرسته کوي.

پوهاند بهسودوال د یاد ګلاس هاوس جوړېدل لویه لاسته راوړنه وبلله او د کرنې پوهنځي مسؤلینو ته یې سپارښتنه وکړه، چې د یادې پروژې په تطبیق کې له نوموړې ادارې سره په ګډه کار وکړي.

د مجلس په پای کې راغلي پلاوي د پوهنتون د مسؤلینو او استادانو په ملتیا د کرنې پوهنځي د تحقیقاتي فارم نه لیدنه وکړه او د ګلاس هاوس پروژې د تطبیق ساحه یې له نږدې ولیدله.

د یادونې وړ ده، چې په یاده لیدنه کې د پوهنتون د علمي چارو مرستیال پوهندوی دوکتور محمد حامد کډوال، د محصلانو چارو مرستیال پوهنوال سید اکرم هاشمي او د بهرنیو اړیکو کمېټې مسؤل پوهنمل دوکتور محمد دوست صافي هم حضور درلود.

تازه خبرونه

دوشنبه ۱۴۰۴/۴/۱۶ - ۱۵:۱۲
Background image

د ننګرهار پوهنتون شرعیاتو پوهنځي او امام ابو حنیفه رحمه الله ديني تخصصاتو جامعې استادانو ته (د څېړنې اساساتو پېژندنه او مقاله لیکنې) تر سرلیک لاندې ۳ ورځنی ورکشاپ پیل شو.

یاد ورکشاپ، چې نن د ننګرهار پوهنتون څېړنو او علمي مجلو معاونیت په نوښت د پوهنتون مسلکي زده کړو پرمختايي مرکز (PDC) کې پیل شو، د روزنې چارې یې د همدې پوهنتون د شرعیاتو او حقوقو او سیاسي. . .

دوشنبه ۱۴۰۴/۴/۱۶ - ۱۵:۱۱
Background image

د ننګرهار پوهنتون محصلانو چارو مرستیال د خپلو اړوندو امرینو او پوهنځیو تدریسي مدیرانو سره غونډه وکړه.

د ختیځ زون امارتي او خصوصي پوهنتونونو لپاره د لوړو زده کړو وزارت د دعوت او ارشاد ریاست استازي او د ننګرهار پوهنتون د محصلانو چارو مرستیال شیخ شاکرالله وحدت د محصلانو چارو او محصلانو. . .

دوشنبه ۱۴۰۴/۴/۱۶ - ۱۵:۱۰
Background image

د ننګرهار پوهنتون تدریسي روغتون کې د خوارځواکو کوچنیانو د درملنې څانګه (TFU) له بیا رغاونې وروسته ګټې اخیستې ته ورسپارل شوه.

د روغتون د مسؤلینو په وینا، یاده څانګه د روغتیا نړیوال سازمان (WHO) په مالي مرسته د نږدې ۱۵۰۰۰ امریکايي ډالرو په لګښت د شلو ورځو په موده کې ترمیم او ګټې اخیستنې ته وسپارل شوه.

یاده. . .

BACK TO NEWS

User account menu