ننګرهار پوهنتون سره د ۱۰۰۰ مېوه لرونکو او زینتي نيالګيو مرسته وشوه.
د نيالګيو ياده مرسته د حجاز سترپلورنځي د مسؤل حاجي نسیم خلیل له خوا شوې وه، چې نن ورځ د ټولنیز فعال عبدالبصیر سباوون له خوا د پوهنتون مشرتابه ته وسپارل شوه.
د ننګرهار پوهنتون رئیس پوهاند دوکتور خلیل احمد بهسودوال د ښاغلي خلیل او ښاغلي سباوون د نېک احساس مننه وکړه، چې د ننګرهار پوهنتون په سمسورتیا او سرسبزۍ کې یې برخه واخیسته.
پوهاند بهسودوال د پوهنتون د ساتنې او څارنې مدیریت مسؤلینو ته د مرسته شويو بوټو په مناسبو ځايونو کې د کېنولو سپارښتنه وکړه.
