د ننګرهار پوهنتون محصلینو ته د صرف او نحوې تمهیدي درسونه پیل شول.
د ننګرهار پوهنتون د دعوت او ارشاد امریت له خوا د دې پوهنتون د شرعیاتو او ژبو او ادبیاتو پوهنځي د عربي ژبې او ادب څانګې لومړي کال لسګونو تنو محصلینو ته د صرف او نحوې تمهیدي درسونو د زده کړې کورس پیل شو.
د مسؤلینو په وینا، یاد کورس د لوړو زده کړو محترم وزارت د هدایت په اساس تنظیم شوی، چې پر مهال به یې محصلینو ته د عربي ژبې قواعد په بنسټیز او منظم ډول تدریس شي، څو د تحصیل په بهیر کې د محصلینو ژبنۍ ستونزې حل او علمي ظرفیت یې لوړ او پیاوړی شي.
د دې کورس چې د شرعیاتو پوهنځي امام ابوحنیفه رحمه الله په تالار کې جوړ شوی، په دویم سمستر کې به د علم الصرف اړوند ارشادالصرف او د علم النحوې اړوند نحوه میر کتابونه تدریس او دغه راز به د دواړو مضامینو د تدریس شویو قواعدو عملي تطبیق به د قرآنکریم په دېرشمه سپاره کې وشي.
د جوړ شوي کورس روزونکي استاد او د دعوت او ارشاد امریت مبلغ مولوي حکیم الله حقاني ډاډ څرګند کړ، چې د صرف او نحوې تمهیدي درسونو په یاده سلسله کې به د جدیدالشمول محصلینو علمي بنسټونه پیاوړي، د شرعي او ادبي علومو زده کړې لپاره به په ښه توګه چمتو او نظري مطالب به په عملي بڼه تمرین او زده کړي.
