د ننګرهار پوهنتون فرهنګي کمېټې غونډه وکړه
د ننګرهار پوهنتون فرهنګي کمېټې ددې پوهنتون د محصلانو چارو مرستیال پوهندوی سید اکرم هاشمي په مشرۍ غونډه وکړه.
په یاده غونډه کې، چې د پوهنتون د اړوندو پوهنځیو استازو په کې برخه لرله، د پوهنځیو په کچه د محصلینو د فرهنګي کمېټو جوړول، د ملي او نړیوالو ورځو نمانځل، جدیدالشمول محصلانو ته د پوهنتون د پېژندنې غونډو جوړول او یو شمېر نورو موضوعاتو په اړه بحث او خبرې اترې وشوې.
د غونډې په پای کې د فرهنګي کمېټې د غړو له خوا د ژبو او ادبیاتو پوهنځي استاد پوهنیار مبارز ځیرمن د کمېټې د نوي مشر او د محصلانو د خدمتونو انسجام آمر اسلام الدین اخلاص مند د کمېټې د منشي په توګه وټاکل شول او د کمېټې د مخکېني مشر او د ژورنالېزم او عامه اړیکو پوهنځي استاد پوهنیار شریف الله ویاند د خدمتونو او هلو ځلو قدردانی وشو.
