د ننګرهار پوهنتون علمي شورا غړو د لوړو زده کړو سرپرست وزیر سره غونډه وکړه.

nu_admin
پنجشنبه ۱۴۰۳/۸/۱۷ - ۹:۲۵
Picture

په یاده غونډه کې، چې د ننګرهار پوهنتون ریاست مقام کې د جمادی الاول په ۴ مه نېټه ترسره شوه او د پوهنتون رهبرۍ سربېره په کې د علمي شورا او لوړو زده کړو وزارت څخه د راغلي پلاوي غړو برخو لرله، د پوهنتون د علمي لاسته راوړنو، استادانو او محصلینو ظرفیت لوړونې پروګرامونو، لیسانس او فوق لیسانس برنامو پیاوړتیا، د پوهنځیو او څانګو ایجاد او په چارو کې د شته ستونزو حل په اړه بحثونه وشول او بېلابېلو برخو کې د پوهنتون غوښتنې منظور شوې.
د مجلس د پرانیستې وینا پر مهال د ننګرهار پوهنتون رئیس شیخ انعام الله مدني د پوهنتون په اوسني علمي، تدریسي او رغنیز وضعیت، ستراتیژیک پلان، کیفیت لوړاوي فعالیتونو، پوهنتون له خوا د اسلامي ثقافت په اړه جوړېدونکي ملي کنفرانس چمتووالي او نورو علمي هڅو په اړه معلومات وړاندې کړل او یادو برخو کې یې د لوړو زده کړو وزارت د محترم مشرتابه له ملاتړ څخه مننه وکړه. 
نوموړي همدارنګه د پوهنتون راتلونکي پلانونه، ستونزې او وړاندیزونه د لوړو زده کړو محترم سرپرست وزیر صاحب سره د حل په موخه شریک کړل او په یادو برخو کې یې د مرستې او همکارۍ غوښتنه وکړه.
د ننګرهار پوهنتون د علمي چارو مرستیال پوهندوی مولوي احسان الله ناصح په تېر یوه کال کې ددې پوهنتون د علمي او اکاډمیکو فعالیتونو او لاسته راوړنو ګذارش د وزارت له محترم مشرتابه سره شریک کړ.
د ناستې په دویمه برخه کې ازاد بحث ترسره شو او د علمي شورا غړیو د ننګرهار پوهنتون د پرمختګ او بهبود په اړه خپل نظریات وړاندې کړل.
د علمي شورا غونډې ته د وینا پر مهال د لوړو زده کړو سرپرست وزیر شیخ الحدیث مولوي نداء محمد ندیم د ټولنې په پرمختګ او اصلاح کې د پوهنتونونو او اکاډمیکو اشخاصو په رول خبرې وکړې او د ننګرهار پوهنتون په وروستیو لاسته راوړنو یې د خوښۍ څرګندونه وکړه.
نوموړي وویل: پوهنتونونه باید په علمي او تحصیلي ډګر کې د ځان بسیاینې لور ته چټک ګامونه پورته کړي او په یاده برخه کې د نورو له احتیاجه ځان خلاص کړي.
سرپرست وزیر د پوهنتون رهبرۍ او شورا غړو ته د اخیستي اعتبار د ساتنې سپارښتنه وکړه، د ستونزو د حل ډاډ یې ورکړ او د پوهنتون تدریسي روغتون لپاره د کوچنیانو جراحي وارډ، د لیلیې د زړو بلاکونو ترمیم او د نیمه کاره ودانیو د چارو د بشپړاوي پروژې منظورې کړې.

تازه خبرونه

دوشنبه ۱۴۰۴/۴/۱۶ - ۱۵:۱۲
Background image

د ننګرهار پوهنتون شرعیاتو پوهنځي او امام ابو حنیفه رحمه الله ديني تخصصاتو جامعې استادانو ته (د څېړنې اساساتو پېژندنه او مقاله لیکنې) تر سرلیک لاندې ۳ ورځنی ورکشاپ پیل شو.

یاد ورکشاپ، چې نن د ننګرهار پوهنتون څېړنو او علمي مجلو معاونیت په نوښت د پوهنتون مسلکي زده کړو پرمختايي مرکز (PDC) کې پیل شو، د روزنې چارې یې د همدې پوهنتون د شرعیاتو او حقوقو او سیاسي. . .

دوشنبه ۱۴۰۴/۴/۱۶ - ۱۵:۱۱
Background image

د ننګرهار پوهنتون محصلانو چارو مرستیال د خپلو اړوندو امرینو او پوهنځیو تدریسي مدیرانو سره غونډه وکړه.

د ختیځ زون امارتي او خصوصي پوهنتونونو لپاره د لوړو زده کړو وزارت د دعوت او ارشاد ریاست استازي او د ننګرهار پوهنتون د محصلانو چارو مرستیال شیخ شاکرالله وحدت د محصلانو چارو او محصلانو. . .

دوشنبه ۱۴۰۴/۴/۱۶ - ۱۵:۱۰
Background image

د ننګرهار پوهنتون تدریسي روغتون کې د خوارځواکو کوچنیانو د درملنې څانګه (TFU) له بیا رغاونې وروسته ګټې اخیستې ته ورسپارل شوه.

د روغتون د مسؤلینو په وینا، یاده څانګه د روغتیا نړیوال سازمان (WHO) په مالي مرسته د نږدې ۱۵۰۰۰ امریکايي ډالرو په لګښت د شلو ورځو په موده کې ترمیم او ګټې اخیستنې ته وسپارل شوه.

یاده. . .

BACK TO NEWS

User account menu