د ننګرهار پوهنتون رهبرۍ د دې پوهنتون د اړوندو پوهنځیو له تدریسي بهیر نظارت وکړ.
د ننګرهار پوهنتون رئیس شیخ انعام الله مدني، د محصلانو چارو مرستیال پوهنیار حافظ سید محمد قاسم هاشمي او د اداري او مالي چارو مرستیال مفتي نعمت الله اعزازي د پوهنتون په داخلي کمپس کې د بېلابېلو پوهنځیو روان تدریسي بهیر څخه د نظارت پر مهال د استادانو، اداري کارکوونکو او محصلینو حاضرۍ کنترول کړې.
د پوهنتون رهبرۍ د پوهنځیو مسؤلینو، استادانو او محصلینو سره په جلا جلا لیدنو کې هغوی ته سپارښتنه وکړه، چې د لوړو زده کړو وزارت لوایحو او مقرراتو په رڼا کې خپلې تحصیلي چارې مخ ته یوسي او د خپلسرو رخصتیو او غیر حاضریو څخه ډډه وکړي، چې د هغوی له خوا د لازمو اجرااتو ډاډ ورکړل شو.
