د ننګرهار پوهنتون رئیس د طب او کمپیوټر ساینس پوهنځيو د ازموینو بهیر نه لیدنه وکړه.
د ننګرهار پوهنتون رئیس پوهاند دوکتور خلیل احمد بهسودوال په داسې حال کې، چې د محصلانو چارو مرستيال حافظ سید محمد قاسم هاشمي، د ازموینو مرکزي کمېټې مشر پوهاند دوکتور عبدالحی مقیم او د یادې کمېټې غړي پوهنوال سید اکرم هاشمي یې ملتیا کوله، د طب او کمپیوټر ساینس پوهنځیو د ازموینو له صحنو لیدنه او نظارت ترسره کړ.
د ليدنې پر مهال د پوهنتون مشرتابه او مسؤلینو ممتحنو استادانو ته لارښوونه وکړه، چې ازموينې دې له اصولو سره سم په پوره روڼتيا او شفافيت واخلي او پايلې دې یې په خپل وخت له محصلينو سره شريکې شي.
