د ننګرهار پوهنتون رئیس د تحصیلي کال د پیل په۳ مه ورځ هم د بېلابېلو پوهنځیو څخه لیدنه وکړه.
ددې لیدنې پر مهال د ننګرهار پوهنتون رئیس شـ/یخ انعام الله مدني د استادانو او محصلینو حاضرۍ کتلو سربېره د پوهنځیو مسؤلینو ته سپارښتنه وکړه، چې د غیر حاضرو استادانو او محصلینو خانې قید او حاضري په ټاکلي وخت او منظم شکل واخلي.
نوموړي د خپلو خبرو پر مهال محصلین د پوهنتون له علمي سرچینو څخه اعظمي استفادې کولو، حاضرۍ ته پابند اوسېدو، تحصیلي کوښښونو، د استادانو او ټولګیوالو درناوي ته راوبلل.
د یادونې وړ ده، چې د روان تحصیلي کال د پیل له لومړۍ ورځ د ننګرهار پوهنتون رئیس، د علمي چارو، اداري او مالي چارو او محصلانو چارو مرستیالان د پوهنتون له ۱۳ ګونو پوهنځیو څخه د تدریسي چارو ښه ترسراوي، استادانو او محصلینو سوبتیا معلومولو په موخه څارنه کوي.
