د ننګرهار پوهنتون د ژبو او ادبیاتو پوهنځي د انګلیسي څانګې استاد او د پوهنتون د تضمین کیفیت داخلي واحد مخکېني مشر پوهنمل لطیف الله غفوري د اکاډمیکو هلو ځلو قدردانی وشو.
د ننګرهار پوهنتون په وړاندیز د لوړو زده کړو وزارت مقام د تضمین کیفیت او نورو اکاډمیکو برخو کې د ښاغلي غفوري د هلوځلو د تقدیر په موخه نوموړي ته درېیمه درجه تقدیرنامه رالېږلې وه، چې نن ورځ د ننګرهار پوهنتون د رئیس پوهاند دوکتور خلیل احمد بهسودوال له خوا نوموړي ته ورکړل شوه.
پوهنمل لطیف الله غفوري د ننګرهار پوهنتون او د لوړو زده کړو وزارت مقام مننه وکړه، چې د نوموړي هڅې یې تقدير کړې او ژمنه یې وکړه، چې په خپل ټول توان سره به په راتلونکې کې هم ددې ستر اکاډمیک مرکز خدمت ته دوام ورکوي.
