د ننګرهار پوهنتون د نړیوال علمي ژورنال (NUIJB) د نشراتي پالیسي د غوره والي په موخه ناسته ترسره شوه.
په یاده کاري ناسته، کې چې د ننګرهار پوهنتون د علمي چارو مرستیال په مشرۍ ترسره شوه او د نړیوال ژورنال د نشراتي برخې سره د مربوطه پوهنځیو استازو په کې ګډون کړی و، د ژورنال د جواز تمدید، د خپرونو پالیسۍ په یو لړ مواردو کې بدلون راوستلو او د چارو تنظيم په اړه بحث او خبرې وشوې.
د ننګرهار پوهنتون د علمي چارو مرستیال پوهندوی مـــ/ـــــولوي احسان الله ناصح د نړیوال ژورنال نشراتي پالیسۍ بورد له غړو مننه وکړه، چې په هلو ځلو سره یې د یاد ژورنال چارې سمې روانې دي او سپارښتنه یې وکړه، چې راتلونکي کې هم د مطلوبو پایلو ترلاسه کولو او علمي څېړنو ته د لاسرسي کچې په پراختیا کې خپل کوښښونه جاري وساتي، چې د هغوی له خوا د همکارۍ ډاډ ورکړل شو.
د غونډې په وروستۍ برخه کې ګډونوالو د پوهنتون د نړیوال ژورنال د لا ښه والي او غني کېدو په موخه لازم نظریات شريک کړل.
سرچینه: د عامه اړیکو، اطلاعاتو او نشراتو آمریت
