د ننګرهار پوهنتون د مرکزي لیلیې د نظم او دسپلین کمېټې ددې پوهنتون د رئیس په مشرۍ غونډه وکړه.
په یاده غونډه کې چې د ننګرهار پوهنتون د رئیس شـیخ انعام الله مدني، د اداري او مالي چارو مرستیال پوهنیار قاضي خالد صداقت او د محصلانو چارو مرستیال پوهنیار حافظ سید محمد قاسم هاشمي سربېره د پوهنتون د دعوت او ارشاد امریت، فرهنګي کمېټې او لیلیې مدیریت مسؤلینو برخه لرله، د لیلیې خدماتو د کیفیت بهتروالي، نظافت، ستونزو حل او د انظباطي اقداماتو پیاوړتیا په اړه بحث او خبرې وشوې.
غونډه کې د پوهنتون مشرتابه غړو مسؤلینو ته سپارښتنه وکړه، چې د محصلینو د استوګنې محیط او وسایلو تنظیم او خوندیتوب ته جدي پاملرنه وکړي، د محصلانو له کړنو دوامداره نظارت وکړي او هغوی ته په مناسبو وختونو کې دیني، فرهنګي، ټولنیزې او سپورتي برنامې برابرې کړي، چې د مسؤلینو له خوا د جدي هڅو او اقداماتو ترسره کولو ډاډ ورکړل شو.
