د ننګرهار پوهنتون تقرر او انفکاک مجلس ترسره شو

.یاد مجلس، چې د چنګاښ په ۲۰ مه نېټه د ننګرهار پوهنتون ریاست مقام کې ترسره شو، په کې د استادانو د تقرر او انفکاک پر يو شمېر کیسونو او متفرقه مسايلو بحث او پرېکړې وشوې.
د ننګرهار پوهنتون رئيس شیخ انعام الله مدني مجلس ته د خپلې وینا پر مهال د استادانو د تقرر او استخدام پروسې په چټکوالي تاکید وکړ او دغه برخه کې یې د شفافیت او وړتیا په پام نیولو سپارښتنه وکړه.
د ننګرهار پوهنتون د علمي چارو مرستیال پوهندوی مــولوي احسان الله ناصح مجلس ته د وینا پر مهال وویل: هغه پوهنځي چې د استادانو کمښت سره مخ دي او له کبله یې په چارو کې خنډ رامنځ ته کیږي، له دقیق سنجش وروسته دې خپل وړاندیزونه د پوهنتون ریاست مقام سره شریک کړي، چې یاده ستونزه حل شي.
د مجلس په پای کې د ننګرهار، کونړ او لغمان پوهنتونونو د تقرر۶ او انفکاک۳ کیسونو په اړه بحث او لازمې پرېکړې وشوې. 
سرچینه: د عامه اړیکو، اطلاعاتو او نشراتو آمریت