د ننګرهار پوهنتون تدریسي او اجرائیه مديرانو ددې پوهنتون له مشرتابه سره نوبتي غونډه وکړه

sakhizada_admin
سه‌شنبه ۱۳۹۹/۱۲/۵ - ۱۲:۱۱
image

 

د ننګرهار پوهنتون د اړوندو پوهنځیو تدریسي او اجرائیه مدیرانو د ننګرهار پوهنتون رئیس پوهاند دوکتور خلیل احمد بهسودوال او د محصلانو چارو مرستیال پوهنوال سید اکرم هاشمي سره د چارو د ښه والي او همغږۍ په موخه میاشتنۍ نوبتي غونډه وکړه.

په نوموړې کاري ناسته کې د پوهنتون رهبرۍ د قانون، لوایحو او مقرراتو په رڼا کې په خپل وخت د چارو د ترسره کولو، مراجعینو سره د نېک چلند، فساد مخنیوي او اړوندو چارو د لاښه والي جدي سپارښتنې وکړې.

پوهاند بهسودوال د غونډې برخوالو ته هدایت وکړ، چې د پوهنتون په کچه په بېلابېلو برخو کې د څارنې د ټاکل شویو کمېټو سره لازمه همکاري وکړي.

د محصلانو چارو مرستیال پوهنوال سید اکرم هاشمي د خپلې وینا پر مهال تدریسي او اجرائیه مدیران خپل منځي همغږۍ ته راوبلل او د محصلینو او فارغانو د چارو په برخه کې یې د جدي کار او پر وخت اجرااتو غوښتنه وکړه.

د غونډې په وروستۍ برخه کې د ننګرهار پوهنتون د پلان او پالیسۍ کمېټې مشر او د حقوقو او سیاسي علومو پوهنځي استاد پوهنیار عبدالهادي زماني له خوا د لیسانس زده کړو مقررې پېژندنې او په یاده مقرره کې د رامنځته شویو تغیراتو په اړه پریزنټیشن وړاندې شو او د ګډونوالو پوښتنو ته یې ځوابونه وویل.

تازه خبرونه

دوشنبه ۱۴۰۴/۴/۱۶ - ۱۵:۱۲
Background image

د ننګرهار پوهنتون شرعیاتو پوهنځي او امام ابو حنیفه رحمه الله ديني تخصصاتو جامعې استادانو ته (د څېړنې اساساتو پېژندنه او مقاله لیکنې) تر سرلیک لاندې ۳ ورځنی ورکشاپ پیل شو.

یاد ورکشاپ، چې نن د ننګرهار پوهنتون څېړنو او علمي مجلو معاونیت په نوښت د پوهنتون مسلکي زده کړو پرمختايي مرکز (PDC) کې پیل شو، د روزنې چارې یې د همدې پوهنتون د شرعیاتو او حقوقو او سیاسي. . .

دوشنبه ۱۴۰۴/۴/۱۶ - ۱۵:۱۱
Background image

د ننګرهار پوهنتون محصلانو چارو مرستیال د خپلو اړوندو امرینو او پوهنځیو تدریسي مدیرانو سره غونډه وکړه.

د ختیځ زون امارتي او خصوصي پوهنتونونو لپاره د لوړو زده کړو وزارت د دعوت او ارشاد ریاست استازي او د ننګرهار پوهنتون د محصلانو چارو مرستیال شیخ شاکرالله وحدت د محصلانو چارو او محصلانو. . .

دوشنبه ۱۴۰۴/۴/۱۶ - ۱۵:۱۰
Background image

د ننګرهار پوهنتون تدریسي روغتون کې د خوارځواکو کوچنیانو د درملنې څانګه (TFU) له بیا رغاونې وروسته ګټې اخیستې ته ورسپارل شوه.

د روغتون د مسؤلینو په وینا، یاده څانګه د روغتیا نړیوال سازمان (WHO) په مالي مرسته د نږدې ۱۵۰۰۰ امریکايي ډالرو په لګښت د شلو ورځو په موده کې ترمیم او ګټې اخیستنې ته وسپارل شوه.

یاده. . .

BACK TO NEWS

User account menu