د لوړو زده کړو وزارت د اداري او زیربنا ریاست څخه راغلي پلاوي د ننګرهار پوهنتون له مشرتابه سره ولیدل.

nu_admin
شنبه ۱۴۰۳/۳/۵ - ۸:۴۷
Picture

یاد پلاوي، چې په تشکیل کې یې د لوړو زده کړو وزارت څلور تنه انجنیران شامل دي، د ننګرهار پوهنتون رئیس، مرستیالانو، د پوهنځیو رئیسانو او د تدارکاتو آمر سره د پوهنتون د شرعیاتو او حقوقو پوهنځیو د نیمه کاره تدریسي ودانیو د بررسۍ په موخه ولیدل.
د ننګرهار پوهنتون رئیس شيخ انعام الله مدني راغلي پلاوي ته د ښه راغلاست ویلو وروسته زیاته کړه، چې د حقوقو او شرعیاتو پوهنځیو نیمه کاره ودانیو د یادو پوهنځیو د تدریسي بهیر، علمي برنامو او اکاډمیک پرمختګ مخه نیولې او د چارو په بشپړاوي سره به یې د استادانو او محصلینو ستونزې تر ډېره بریده حل شي.
نوموړي د لوړو زده کړو وزارت څخه راغلي تخنیکي پلاوي ته د ننګرهار پوهنتون د نیمه کاره رغنیزو پروژو په اړه معلومات ورکړل او اړونده برخه کې د شته ستونزو د تشخیص او حل لپاره یې هغوی څخه د بشپړې همکارۍ غوښتنه وکړه.
د ننګرهار پوهنتون د علمي چارو مرستیال پوهندوی احسان الله ناصح، د مالي او اداري چارو مرستیال پوهنیار قاضي خالد صداقت او محصلانو چارو مرستیال پوهنیار حافظ سید محمد قاسم هاشمي د خپلو خبرو پر مهال یاد پلاوي ته د هر راز همکارۍ او مرستې ډاډ ورکړ.
د راغلي تخنیکي پلاوي غړي انجنیر حفیظ الله د دوی له لوري اړونده برخه کې د ترسره کړیو هڅو او فعالیتونو په اړه د پوهنتون رهبرۍ ته معلومات وړاندې کړل او زیاته یې کړه، چې دوی به د ننګرهار پوهنتون د یادو پوهنځیو تدریسي ودانیو د پاتې کارونو دقیق سنجش څخه وروسته خپل راپور چمتو او د بعدي اجرأتو لپاره به یې لوړو مقاماتو سره شریک کړي.
له یاد مجلس وروسته راغلي تخنیکي پلاوي په خپله برخه کې عملاً  په کار پيل وکړ.
 سرچینه: د عامه اړیکو، اطلاعاتو او نشراتو امریت

تازه خبرونه

دوشنبه ۱۴۰۳/۳/۲۱ - ۱۳:۵۵
Background image

د ننګرهار پوهنتون د لیلیې د نظم او دسپلین کمېسیون ددې پوهنتون د رئیس په مشرۍ غونډه وکړه.

په یاده کاري ناسته کې، چې د پوهنتون د رئیس سربېره د علمي چارو او محصلانو چارو مرستیالانو او کمېټې غړو برخه درلوده، د پوهنتون د بېلابېلو پوهنځیو د محصلینو اړوند د اصولو او مقرراتو څخه د. . .

دوشنبه ۱۴۰۳/۳/۲۱ - ۱۳:۵۲
Background image

د ننګرهار پوهنتون وترنري علومو پوهنځي نوی رئيس د نوموړي پوهنځي استادانو او منسوبينو ته وروپېژندل شو.

پوهندوی رضوان الله ممله وال د نوموړي پوهنځي د نوي رئيس په توګه له ټاکل کېدو وروسته رسماً د پوهنتون د رئيس شـیخ انعام الله مدني له لوري د اړوند پوهنځي استادانو او اداري کارکوونکو ته. . .

یکشنبه ۱۴۰۳/۳/۲۰ - ۱۶:۵۱
Background image

د ننګرهار پوهنتون شرعیاتو پوهنځي له اسلامي تعلیماتو څانګې څخه ۶۴ تنه فارغ شول.

د ننګرهار پوهنتون شرعیاتو پوهنځي اسلامي تعلیماتو څانګې په خپله ۲۳مه دوره کې ۶۴ تنه علمي کادرونه فارغ او ټولنې ته یې د خدمت په موخه وړاندې کړل.
په همدې پار د ننګرهار پوهنتون شرعیاتو. . .

BACK TO NEWS

User account menu