د سلواغې ۲۶مه د افغانستان څخه د روسي یرغلګرو د ماتې او تیښتې د ۳۴مې کالیزې په مناسبت د ننګرهار پوهنتون د مشرتابه پیغام!

nu_admin
شنبه ۱۴۰۱/۱۱/۲۹ - ۱۱:۴۷
image

 

افغانستان د مسلمانو او مج.ـاهدو پرګنو د ګډ کور په توګه د برم او ویاړه ډک تاریخ او ویاړمنه ماضي لري؛ نړیوالو استعمارګرو د خپلو شومو موخو او اهدافو د ترلاسه کولو لپاره د تاریخ په بېلابېلو پړاوونو کې ددې خاورې د نیولو او د افغان مج.ـاهد ولس د ایلېدو هڅه کړې، خو لله الحمد زمونږ د ولسونو ایماني قوت، پیاوړې ارادې او مجاهـ.ـدې تل دغه ډول هڅې ناکامې کړي، په پوره مېړانه یې پر وړاندې مبارزه کړې او د تاریخ هر یرغلګر او ښکېلاکګر ته یې غاښ ماتوونکی ځواب ورکړی.

د نن نه ۳۴ کاله وړاندې د نړۍ ستر زبرځواک پخوانی شوروي اتحاد، چې ټولې نړې ترې له وېرې ګړګوزې وهلې، ددې مج.ـاهد ولس په بې سارې قربانۍ مات او تیښتې ته اړ شو.

د ننګرهار پوهنتون اداره ټولو مج.ـاهدو هېوادوالو ته د ګران هېواد څخه د روسي یرغلګرو د شرموونکې ماتې او تیښتې د ۳۴مې کالیزې مبارکي وايي؛ الله تعالی (ج) دې زمونږ د مج.ـاهدینو او شهیدانو قربانۍ او سرښندنې په خپل دربار کې قبولي کړي.

مونږ د هېواد د ټولو شهيدانو سپېڅلو ارواوو ته د دعاګانو په استولو او افغان مج.ـاهد ولس ته پر درنو مبارکيو سربېره هيله من یو، چې ډېر ژر به د اسلامي ام.ـارت د خپلواک قیادت لاندې د وطنپالو مج.ـاهدو شازلمو په مټو د هېواد پر افق د پوهې، پرمختګ، سوکالۍ او هر اړخيزې ودانۍ بيرغونه هسک او رپاند شي.

په همدې هيله

پوهنیار قاضي خالد صداقت

د ننګرهار پوهنتون د اداري او مالي چارو مرستیال

تازه خبرونه

یکشنبه ۱۴۰۳/۱/۵ - ۸:۵۴
Background image

ننګرهار پوهنتون کې د یوه مجهز څېړنیز مرکز د جوړېدو چارې پیل شوې.

د یاد مرکز وداني د ننګرهار پوهنتون رهبرۍ په هلو ځلو او د شهید افسر خان ستانکزي خيريه بنسټ له لوري د ۱۵ میلیونه افغانیو په مالي لګښت د اړینو عصري تجهیزاتو په لرلو سره په ۳ پوړونو کې. . .

دوشنبه ۱۴۰۲/۱۱/۲۳ - ۲۲:۸
Background image

د ننګرهار پوهنتون په نوښت جوړ شوی اقليم بدلون نړيوال کنفرانس پای ته ورسېد.

ياد کنفرانس چې د سلواغې په ۲۱ نېټه پيل او درې ورځې يې دوام وکړ، د وروستۍ ورځې په مناسبت يې د ښېوې ولسوالۍ اړوند ناکامورا پارک کېيي مراسم جوړ شوي وو، چې په کې د ننګرهار پوهنتون رئيس او. . .

یکشنبه ۱۴۰۲/۱۱/۲۲ - ۲۰:۴۹
Background image

ننګرهار پوهنتون کې د داير شوي اقليم بدلون نړيوال کنفرانس دويمه ورځ هم په بريا سره پای ته ورسېده.

د ننګرهار پوهنتون په کوربتوب او د لوړو زده کړو وزارت په همکارۍ د جوړ شوي اقليم بدلون نړيوال کنفرانس دويمه ورځ، چې د کنفرانس د محتوا اړوند د ګډونوالو علمي او تحقيقي مقالو ته ځانګړې شوې. . .

BACK TO NEWS