دکمپيوټر ساينس پوهنځي اوسنی حالت
د ننګرهار پوهنتون د کمپیوټر ساینس پوهنځی په افغانستان کې یو له مخکښو علمي مرکزونو څخه دی، چې په معلوماتي ټکنالوژۍ، سافټویر انجینیرۍ، او معلوماتي سیستمونو کې د لېسانس په سطحه زده کړې وړاندې کوي. دا پوهنځی د کمپیوټر ساینس په برخه کې د نویو ټکنالوژیو په کارولو سره زده کړیالانو ته د عملي زده کړو او څېړنو فرصتونه برابروي.
کمپیوټر ساینس پوهنځی د درسي پلان پراختیا ته هم پاملرنه کوي، ترڅو محصلینو ته د عصري ټکنالوژۍ او نړیوالو معیارونو سره سم تعلیمي فرصتونه برابر کړي. همدارنګه، پوهنځی د خپلو محصلینو او استادانو لپاره د نړیوالو علمي موسسو سره د هوکړه لیکونو له لارې د اړیکو پراختیا ته زمینه برابروي.
په دې پوهنځي کې د محصلینو او استادانو ترمنځ د ښوونې او روزنې معیاري سیستم د پرمختګ په حال کې دی، او د نويو څېړنیزو او عملي پروژو د پلي کولو لپاره مناسب چاپیریال برابر شوی دی.