ننګرهار پوهنتون کې د جوړ شوي څلي پرانیسته وشوه.

یاد څلی چې د کتابونو او قلم په شکل ډيزاین شوی، د ننګرهار پوهنتون د اداري او مالي چارو معاونیت په نوښت د پوهنتون ریاست مقام ته څېرمه څلورلارې کې جوړ شوی دی.
دغه څلی تېره ورځ د هېواد د ازادۍ ورځې په خوښۍ او ویاړ د پوهنتون رهبري هیئت او استادانو په حضور کې پرانیستل شو.
د ننګرهار پوهنتون د اداري او مالي چارو مرستیال پوهنیار قاضي خالد صداقت په وینا، د پوهنتون په بېلابېلو برخو کې به د خپلو ودانیزو چارو په لړ دا ډول نور څلي، چې علمي او اکاډمیک پیغامونه انتقال کړي، جوړ کړي.
سرچینه: د اطلاعاتو، نشراتو او عامه اړیکو آمریت