د ننګرهار پوهنتون د علمي ترفیعاتو کمېټې نوبتي غونډه وکړه.
د ننګرهار پوهنتون د علمي ترفیعاتو کمېټې ددې پوهنتون د علمي چارو مرستیال پوهندوی مــ/ــولوي احسان الله ناصح او د محصلانو چارو مرستیال حافظ سید محمد قاسم هاشمي په ګډون غونډه وکړه.
د غونډې پر مهال د ننګرهار پوهنتون د علمي چارو مرستیال پوهندوی مــ/ــولوي احسان الله ناصح وویل: تقریظ ورکوونکي استادان او د څانګو آمرین باید د استادانو د تحقیق، تالیف او ژباړې اثارو څخه په دقیقه توګه کتنه وکړي او بیا له هغې وروسته ورته د تقریظ لیکنه وکړي.
نوموړي دغه راز د لوړو زده کړو وزارت د اصولو او مقرراتو سره سم د استادانو د علمي ترفیعاتو کیسونو پر چټکوالي تاکید وکړ او له غړو استادانو څخه یې غوښتنه وکړه، چې د پوهنځیو او کمېټو په کچه د یاد بهیر سره مرسته او همکاري وکړي.
د مجلس په وروستۍ برخه کې د ننګرهار، کونړ او لغمان پوهنتونونو د ۱۹ تنو استادانو د علمي ترفیعاتو پر کیسونو بحث وشو او د وروستیو کړنو په موخه د پوهنتون علمي شورا ته محول شول.
سرچینه: د عامه اړیکو، اطلاعاتو او نشراتو آمریت
