ننګرهار پوهنتون طب پوهنځي کې د ماشوم روغتیا په اړه علمي کنفرانس ترسره شو.

nu_admin
شنبه ۱۴۰۱/۸/۲۸ - ۹:۱۱
image

 

په نوموړي یو ورځني کنفرانس کې، چې د ننګرهار پوهنتون طب پوهنځي په نوښت او د یونیسف ادارې په مالي او تخنیکي مرسته د یاد پوهنځي د غونډو په تالار کې دایر شوی ؤ، په ختیز زون کې د ماشومانو روغتیا ته د ورپېښو ستونزو او ننګونو او د هغې د حل لارو په اړه په کې ویناوې، مقالې او پریزنټیشنونه وړاندې شول.

په یاد علمي کنفرانس کې د طب پوهنځي د مسؤلینو او استادانو سربېره د ننګرهار پوهنتون رئیس پوهاند دوکتور خلیل احمد بهسودوال، د محصلانو چارو مرستیال سید محمد قاسم هاشمي، د خصوصي پوهنتونونو استازو، د یونیسف او نورو روغتیایي ادارو مسؤلینو برخه لرله.

د پرانيستې پر مهال د ننګرهار پوهنتون رئيس پوهاند دوکتور خليل احمد بهسودوال د دایر شوي کنفرانس په ارزښت خبرې وکړې او ددغه ډول علمي پروګرامونو دایرېدل یې د ماشومانو د روغتیا او سلامتیا په برخه کې مهم وبلل.

پوهاند بهسودوال د طب پوهنځي او یونیسف ادارې د مسؤلینو مننه وکړه، چې د نوموړي علمي کنفرانس دایرېدو ته یې زمینه برابره کړه او د ورته نورو غونډو او کنفرانسونو په جوړولو یې ټینګار وکړ.

د کنفرانس دویم ویناوال د طب پوهنځي رئیس پوهنوال ډاکتر محمد عظیم عظیمي ؤ، چې د ښه راغلاست ویلو تر څنګ یې د جوړ شوي علمي کنفرانس د موخو او اهدافو په اړه ګډونوالو ته معلومات ورکړل.

د کنفرانس په دويمه برخه کې د طب پوهنځي استادانو پوهاند ډاکتر عبدالستار نیازي، پوهنوال ډاکتر حفيظه سهاک، پوهندوی ډاکتر هارون رحيمي، پوهنوال ډاکتر مسيح الله مسيح، پوهنيار ډاکتر عبدالغفار شېرزاد، پوهنمل ډاکتر عبدالله جان شينواري، پوهنمل ډاکتر صداقت مومند او پوهنيار ډاکتر فرهاد شېرزاد له خوا د (په ختیز زون کې د Prematurity پيښې، د Post term Pregnancy پيښې، له پنځه کلنۍ په کم عمره کوچنيانو کې د شديدې خوارځواکۍ د پېښو څېړل، په شديده خوارځواکي اخته کوچنيانو کې د Lactose Intolerance د پېښو څېړل، په کوچنيانو کې د زړه د ولادي ناروغيو تشريحي څېړنه، د Lower GI ستونزو لرونکو کوچنيانو کې د Colonoscopy موندنې، په ماشومانو کې د هضمي او تنفسي لارو د فورن باډي پېښو څېړل، په ختیز زون کې د ماشومانو د ولادي انومليو تشريحي څېړنه) تر سرليکونو لاندې د ترسره کړیو څېړنو پایلې د پريزنټيشنونو له لارې د کنفرانس له ګډونوالو سره شریکې کړې.

په پاى کې د طب پوهنځي مرستیال او استاد پوهنوال ډاکتر محب الله شینواري د کنفرانس راټولونه او پوهاند ډاکتر حبیب الله مولوي زاده ارزونه وکړه او نوموړى کنفرانس يې د ماشومانو د روغتیا پر وړاندې د شته ګواښونو د مهارولو په برخه کې ګټور وباله.

تازه ترین اخبار

دوشنبه ۱۴۰۱/۶/۷ - ۹:۲۷
Background image

سرپرست وزارت تحصیلات عالی از روسای پوهنتون های پولی تخنیک و ننگرهار کابل قدردانی کرد.

 

الحاجی مولوی عبدالباقی حقانی سرپرست وزارت تحصیلات عالی، رییس پوهنتون پولی تخنیک کابل، داکتر خلیل احمد بهسودوال رییس پوهنتون ننگرهار، پروفسور عبدالرشید اقبال و هیأت های شان در این. . .
چهارشنبه ۱۴۰۱/۶/۲ - ۸:۱۳
Background image

رئیس و معاونان دانشگاه ننگرهار از کار ساخت لیلیه مرکزی دخترانه بازدید کردند.

رییس پوهنتون ننگرهار استاد داکتر خلیل احمد بهسودوال، نماینده فوق العاده وزارت تحصیلات عالی و معاون اداری و مالی پوهنتون استاد قاضی خالد صداقت، معاون امور علمی پروفسور احسان الله ناصح،. . .
چهارشنبه ۱۴۰۱/۵/۲۶ - ۹:۵
Background image

آژانس پناهندگان سازمان ملل متحد (UNHCR) با ده دانشجوی دانشگاه ننگرهار قرارداد بورسیه امضا کرد.

به گفته مسوولان این پوهنتون، این بورسیه ها با کمک کشور آلمان اعطا شده است که بر اساس آن ده تن از دانشجویان سال اول پوهنتون ننگرهار که به تازگی به کشور بازگشته و مشکلات اقتصادی دارند،. . .

BACK TO NEWS