ننګرهار پوهنتون طب پوهنځي کې د ماشوم روغتیا په اړه علمي کنفرانس ترسره شو.

nu_admin
Sat, Nov 19 2022 9:11 AM
image

 

په نوموړي یو ورځني کنفرانس کې، چې د ننګرهار پوهنتون طب پوهنځي په نوښت او د یونیسف ادارې په مالي او تخنیکي مرسته د یاد پوهنځي د غونډو په تالار کې دایر شوی ؤ، په ختیز زون کې د ماشومانو روغتیا ته د ورپېښو ستونزو او ننګونو او د هغې د حل لارو په اړه په کې ویناوې، مقالې او پریزنټیشنونه وړاندې شول.

په یاد علمي کنفرانس کې د طب پوهنځي د مسؤلینو او استادانو سربېره د ننګرهار پوهنتون رئیس پوهاند دوکتور خلیل احمد بهسودوال، د محصلانو چارو مرستیال سید محمد قاسم هاشمي، د خصوصي پوهنتونونو استازو، د یونیسف او نورو روغتیایي ادارو مسؤلینو برخه لرله.

د پرانيستې پر مهال د ننګرهار پوهنتون رئيس پوهاند دوکتور خليل احمد بهسودوال د دایر شوي کنفرانس په ارزښت خبرې وکړې او ددغه ډول علمي پروګرامونو دایرېدل یې د ماشومانو د روغتیا او سلامتیا په برخه کې مهم وبلل.

پوهاند بهسودوال د طب پوهنځي او یونیسف ادارې د مسؤلینو مننه وکړه، چې د نوموړي علمي کنفرانس دایرېدو ته یې زمینه برابره کړه او د ورته نورو غونډو او کنفرانسونو په جوړولو یې ټینګار وکړ.

د کنفرانس دویم ویناوال د طب پوهنځي رئیس پوهنوال ډاکتر محمد عظیم عظیمي ؤ، چې د ښه راغلاست ویلو تر څنګ یې د جوړ شوي علمي کنفرانس د موخو او اهدافو په اړه ګډونوالو ته معلومات ورکړل.

د کنفرانس په دويمه برخه کې د طب پوهنځي استادانو پوهاند ډاکتر عبدالستار نیازي، پوهنوال ډاکتر حفيظه سهاک، پوهندوی ډاکتر هارون رحيمي، پوهنوال ډاکتر مسيح الله مسيح، پوهنيار ډاکتر عبدالغفار شېرزاد، پوهنمل ډاکتر عبدالله جان شينواري، پوهنمل ډاکتر صداقت مومند او پوهنيار ډاکتر فرهاد شېرزاد له خوا د (په ختیز زون کې د Prematurity پيښې، د Post term Pregnancy پيښې، له پنځه کلنۍ په کم عمره کوچنيانو کې د شديدې خوارځواکۍ د پېښو څېړل، په شديده خوارځواکي اخته کوچنيانو کې د Lactose Intolerance د پېښو څېړل، په کوچنيانو کې د زړه د ولادي ناروغيو تشريحي څېړنه، د Lower GI ستونزو لرونکو کوچنيانو کې د Colonoscopy موندنې، په ماشومانو کې د هضمي او تنفسي لارو د فورن باډي پېښو څېړل، په ختیز زون کې د ماشومانو د ولادي انومليو تشريحي څېړنه) تر سرليکونو لاندې د ترسره کړیو څېړنو پایلې د پريزنټيشنونو له لارې د کنفرانس له ګډونوالو سره شریکې کړې.

په پاى کې د طب پوهنځي مرستیال او استاد پوهنوال ډاکتر محب الله شینواري د کنفرانس راټولونه او پوهاند ډاکتر حبیب الله مولوي زاده ارزونه وکړه او نوموړى کنفرانس يې د ماشومانو د روغتیا پر وړاندې د شته ګواښونو د مهارولو په برخه کې ګټور وباله.

Latest news

Mon, Aug 29 2022 9:27 AM
Background image

Acting Minister of Higher Education praised the presidents of Kabul Polytechnic and Nangarhar Universities.

 

Acting Minister of Higher Education Alhaji Maulvi Abdul Baqi Haqqani, President of Kabul Polytechnic University, President of Nangarhar University Dr. Khalil Ahmed Behsudwal, Prof.. . .
Tue, Jun 29 2021 7:44 AM
Background image

Nangarhar University signs MoU with Al Taqwa Institute of Higher Education.

 

 

According the officials, with accordance to the MoU, both the higher educational institutions would support each other in teaching, research, practicums, appointment of the. . .

Mon, Jun 28 2021 7:33 AM
Background image

Chancellor of Nangarhar University Professor Emeritus Dr. Khalil Ahmad Behsoodwal leads Academic Council.

 

 

Vice Chancellor for Academic Affairs Assistant Professor Dr. Mohammad Hamid Kadwal, Vice Chancellor for Administrative and Financial Affairs, Deans of faculties, Professors, the. . .

BACK TO NEWS