د ننګرهار پوهنتون علمي شورا ددې پوهنتون د رئيس پوهاند دوکتور خليل احمد بهسودوال په مشرۍ غونډه وکړه.

nu_admin
Mon, Sep 06 2021 10:40 AM
image

 

په نوموړي کاري ناسته کې، چې د افغانستان د اسلامي امارت د لوړو زده کړو عالي کمېسون د ننګرهار ولایت مسؤل قاضي خالد صداقت، د ننګرهار پوهنتون د علمي چارو مرستيال پوهندوى دوکتور محمد حامد کډوال، د محصلانو چارو مرستيال پوهنوال سيد اکرم هاشمي، د اداري او مالي چارو مرستیال حمیدالله احمدزي، د بېلابېلو پوهنځيو او تدریسي روغتون رئيسانو او استادانو په کې برخه لرله، د پوهنتون د علمي، تقرر، ترفیعاتو او يو شمېر نورو مسايلو په اړه بحث او پرېکړې وشوې.

د ننګرهار پوهنتون رئيس پوهاند دوکتور خليل احمد بهسودوال د مجلس د پرانیستې پر مهال په حضوري توګه د پوهنتون د درسونو د پیل په اړه مسؤلینو ته اړینې سپارښتنې وکړې.

نوموړي وویل: د لوړو زده کړو وزارت محترم مشرتابه د وږي په ۱۵مه خصوصي پوهنتونونو ته د درسونو د پیل اجازه ورکړې ده او په نږدې ورځو کې به د دولتي پوهنتونونو درسونه هم پیل شي، چې په همدې اړه د ننګرهار پوهنتون ادارې له خوا د درسونو د پیل لپاره په یوه طرحه کار شوی، چې د شورا د تائید وروسته به د وزارت د رهبرۍ سره شریکه شي.

پوهاند بهسودوال د پوهنتون د قراردادونو او همدارنګه تدارکاتي مسایلو ته د رسیده ګۍ د وړاندیز تر څنګ د پوهنځیو او د پوهنتون د اړوندو نورو څانګو مسؤلینو ته د اړین چمتوالي سپارښتنه وکړه.

د علمي چارو مرستیال پوهندوی دوکتور محمد حامد کډوال د تضمین کیفیت پروسې پر دوام، د فوق لیسانس برنامو ارزونې او د انلاین کورسونو د ثبت پر پروسې ټینګار وکړ او د محصلانو چارو مرستیال پوهنوال سید اکرم هاشمي په حضوري توګه د درسونو د پیل طرحه د مجلس د برخوالو سره شریکه کړه، چې د هغوی له خوا د ځینو تغیراتو وروسته تائید شوه.

د افغانستان د اسلامي امارت د لوړو زده کړو عالي کمېسون د ننګرهار ولایت مسؤل قاضي خالد صداقت د ننګرهار پوهنتون د مشرتابه، علمي شورا غړو او ټولو استادانو او اداري کارکوونکو مننه وکړه، چې تر دې دمه یې په ډېره ښه توګه د پوهنتون علمي، تدریسي او اداري چارې پر مخ وړي او د لا ښه والي لپاره یې هلې ځلې کوي.

نوموړي ژمنه وکړه، چې د اسلامي امارت د لوړو زده کړو عالي کمېسون او د لوړو زده کړو وزارت مقام د لارښوونو په رڼا کې به د ننګرهار پوهنتون د ادارې او استادانو سره په ګډه د دې پوهنتون د پرمختګ لپاره لا زیاتې هلې ځلې وکړي.

ښاغلي صداقت د پوهنتون مشرتابه او استادانو ته ډاډ ورکړ، چې ستونزې به یې د لوړو زده کړو وزارت او ننګرهار ولایت مقامونو سره د حل په موخه شریکې کړي.

د مجلس په وروستۍ برخه کې د ننګرهار پوهنتون سربېره د کونړ سید جمال الدین افغاني او لغمان پوهنتونونو د علمي ترفیعاتو ۲۳ او د تقرر ۴ کیسونو او د ځینو نورو متفرقه مسايلو په اړه بحث او پرېکړې وشوې.

Latest news

Tue, Jun 29 2021 7:44 AM
Background image

Nangarhar University signs MoU with Al Taqwa Institute of Higher Education.

 

 

According the officials, with accordance to the MoU, both the higher educational institutions would support each other in teaching, research, practicums, appointment of the. . .

Mon, Jun 28 2021 7:33 AM
Background image

Chancellor of Nangarhar University Professor Emeritus Dr. Khalil Ahmad Behsoodwal leads Academic Council.

 

 

Vice Chancellor for Academic Affairs Assistant Professor Dr. Mohammad Hamid Kadwal, Vice Chancellor for Administrative and Financial Affairs, Deans of faculties, Professors, the. . .

Wed, Jun 23 2021 7:13 AM
Background image

12 – Day OBE-SCL Teaching Methodology Training Workshop comes to end at Nangarhar University.

 

The workshop, initiated by PDC of Nangarhar University, was conducted for the instructors of Spin Ghar Higher Education Institute.

In the closing event, Vice Chancellor for Academic. . .

BACK TO NEWS