ننګرهار پوهنتون کې د ۱۴۰۰ تحصيلي کال کانکور ازموينې د اخيستلو بهير پيل شو.

nu_admin
Thu, Apr 29 2021 8:41 AM
image

 

ياده ازموينه، چې څلور ورځې به دوام وکړي، په ترڅ کې به يې د ننګرهار ولايت د دولسمو او څوارلسمو ټولګيو له نږدې پنځلس زرو تنو فارغانو ازموينه واخيستل شي.

په هغه پرانيستونکې غونډه کې، چې له همدې امله د غويي په ۸مه د پوهنتون د غونډو په تالار کې جوړه شوې وه، د پوهنتون د مشرتابه او استاذانو سربېره په کې د ولسمشر ستر سلاکار او د ننګرهار والي، د ولايتي ادارې ځینو مسؤلینو او د ازموينو ملي ادارې څخه د کانکور راغلي پلاوي برخه لرله.

غونډه د ننګرهار پوهنتون رئيس پوهاند دوکتور خلیل احمد بهسودوال په پرانيستونکې وينا پيل شوه؛ نوموړي وويل: د کانکور نننۍ ازموينه چې څلور ورځې به دوام وکړي، د ننګرهار ولايت د دولسمو او څوارلسمو ټولګيو له (۱۴۳۳۲) تنو فارغانو څخه به په کې ازموينه واخيستل شي، چې له دې ډلې (۲۷۹۲) تنه يې نجونې دي.

نوموړي وويل: د کانکور ازموينه په پنځو حوزو کې د ازموينو ملي ادارې څخه د راغلي ۷۷ کسيز پلاوي او د ننګرهار پوهنتون د سلو تنو استاذانو له خوا اخيستل کېږي.

پوهاند بهسودوال ممتحنو استادانو ته په شفافه توګه د ازموینې اخیستلو سپارښتنه وکړه او زیاته یې کړه، چې هيڅوک حق نه لري، چې په بې ځایه مداخلې سره د کانکور ملي پروسه اخلال او د دې پوهنتون او سيمې نوم بد کړي.

د پوهنتون رئيس له ولايت مقام او امنيتي ارګانونو څخه مننه وکړه، چې د کانکور پروسې په تنظيم او امنيت کې يې د پوهنتون له ادارې سره مرسته کړې او لا هم په دې برخه کې هلې ځلې کوي.

د غونډې دويم ويناوال د ولسمشر ستر سلاکار او د ننګرهار والي ښاغلى ضیاءالحق امرخېل ؤ؛ نوموړي د خپلو خبرو پر مهال په شفافه توګه د کانکور ازموينې په اخيستنې تاکيد وکړ.

ښاغلي امرخېل راغلي پلاوي او دغه راز د پوهنتون استادانو ته سپارښتنه وکړه، چې د کانکور ګډونوالو ځوانانو ته دې د ازموينې په اړه په ښه توګه لارښوونه وکړي او ازموينه دې د علمي نورمونو او اصولو سره سمه واخيستل شي.

د ازموينو ملي ادارې څخه د راغلي پلاوي مشر پوهنیار قدرت الله احمدي د کانکور ازموینې په اړه د لنډو معلوماتو سربېره د غونډې ګډونوالو ته ډاډ ورکړ، چې د ننګرهار پوهنتون له استاذانو سره په ګډه به د ازموينې په شفافې اخيستنه کې هلې ځلې وکړي.

د غونډې په پاى کې د ټولو ګډونوالو په حضور کې د پوښتنپاڼو د بکسونو قلفونه خلاص او رسماً ازموينه پيل شوه، چې د غونډې ځینو ګډونوالو مېلمنو د ننګرهار پوهنتون د رئيس او مرستیالانو په ملتيا د ازموينې له صحنې څخه لیدنه وکړه.

د يادونې وړ ده، چې د کانکور ازموينې بهير به راتلونکې درې ورځې (پنجشنبه، جمعه او شنبه) چې د ثور له (۹-۱۰-۱۱) نېټې سره سمون خوري، نور هم دوام وکړي.

Latest news

Thu, Jan 14 2021 9:04 AM
Background image

Nangarhar University celebrates Constitution Week.

 

 

At the celebration ceremony of Constitution Week, the speakers discussed the history, content, necessity, sovereignty, implementation, and value of the Constitution.

Chancellor. . .

Tue, Dec 29 2020 9:17 AM
Background image

Nangarhar University convenes Academic Council

 

The Academic Council of Nangarhar University held a meeting under the leadership of Professor Emeritus Dr. Khalil Ahmad Behsoodwal, the Chancellor of Nangarhar University.

The. . .

Tue, Dec 08 2020 12:11 PM
Background image

Monument of famous Ghazi Mirzaman Khan is built at Nangarhar University Gate.

 

According to officials, the purpose of the monument is to familiarize the young generation with country’s history and proud past.

Chancellor of Nangarhar University Professor. . .

BACK TO NEWS