ننګرهار پوهنتون کې د روژې مبارکې میاشتې په مناسبت د قرانکریم (النساء، النور او الأحزاب) سورتونو د ترجمې او تفسیر دوره پای ته ورسېده.
د ننګرهار پوهنتون د دعوت او ارشاد امریت له لوري د رمضان المبارک میاشتې په لړ کې د قرانکریم (النساء، النور او الأحزاب) سورتونو د ترجمې او تفسیر دوره چې د لوړو زده کړو محترم وزارت په لارښوونه د پوهنتون اداري او خدماتي کارکوونکو ته پیل شوې وه، په ځانګړو اختتامیه مراسمو سره پای ته ورسېده.
د یادو مبارکو سورتونو ترجمه او تفسیر د ننګرهار پوهنتون د دعوت او ارشاد آمر مولوي اعجازالحق زَلِف له خوا ترسره او همدارنګه د دې یوې میاشتې په لړ کې د اعتکاف، سرسایې او قدر شپې په هکله د یاد امریت مبلغ مولوي نجیب الله ثاقب له خوا کارکوونکو ته دیني او معلوماتي سيمینارونه هم ارایه شول.
