ننګرهار پوهنتون کې د کرکټ سيالۍ د وترنري علومو پوهنځي په بریا پای ته ورسېدې.

nu_admin
Mon, May 20 2024 12:10 PM
Picture

د کرکټ سياليو یاد ټورنمنټ، د ننګرهار پوهنتون د سپورت او بدني روزنې آمريت له خوا د ثور میاشتې په ۱۹ نېټه جوړ شوی ؤ او یوولس ورځې یې دوام وکړ، چې د دې پوهنتون د اړوندو پوهنځيو او فامیلیو ۱۴ لوبډلو په کې ګډون درلود.
د ټورنمنټ پایلوبې ته د عامه ادارې او پالیسۍ او وترنري علومو پوهنځیو لوبډلو لار پیدا کړه، چې توپ وهنه د عامه ادارې پوهنځي لوبډلې پیل کړه او خپلې سیالې لوبډلې ته یې په لسو اورونو کې د ۷ لوبغاړو په سوځېدلو سره د ۹۸ منډو هدف وټاکه.
د وترنري علومو پوهنځي لوبډلې په اتم اور کې د ۳ لوبغاړو په سوځېدلو یاد هدف پوره او په دې توګه یې د سیالیو اتلولي خپله کړه. 
د ټورنمنټ د پای په مراسمو کې د ننګرهار پوهنتون د محصلانو چارو مرستيال پوهنیار حافظ سید محمدقاسم هاشمي په پوهنتونونو کې د سپورتي فعالیتونو په اړتیا او ارزښت خبرې وکړې.
نوموړي سپورتي فعالیتونه د محصلانو په فزيکي او ذهني وده کې اغېز لرونکي وبلل او زیاته یې کړه، چې د پوهنتون اداره د سالم علمي او تدریسي چاپېریال د برابرولو تر څنګ د سپورت ودې او پرمختګ ته هم ژمنه ده. 
د ننګرهار پوهنتون د سپورت او بدني روزنې آمر محمد نسیم کاکړ وویل، چې له دې سیالیو یې موخه د محصلینو تر منځ یووالی او همغږي رامنځ ته کول او هغوی ته سالمه بوختیا برابرول و.
د ټورنمنټ د پای په مراسمو کې د ننګرهار پوهنتون د محصلانو چارو مرستیال سربېره د وترنرۍ علومو پوهنځي مرستیال پوهنمل یونس وزیري، د دواړو پوهنځیو استادانو، د فرهنګي کمېټې غړو، د پوهنتون د محصلانو چارو امر مـــ/ـــــولوي سعید الله عمري ګډون کړی و، چې ګټونکو لوبډلو او د سیالیو غوره لوبغاړو ته یې کپونه او مډالونه ورکړل.
سرچینه: د عامه اړیکو، اطلاعاتو او نشراتو امریت

Latest news

Mon, Aug 29 2022 9:27 AM
Background image

Acting Minister of Higher Education praised the presidents of Kabul Polytechnic and Nangarhar Universities.

 

Acting Minister of Higher Education Alhaji Maulvi Abdul Baqi Haqqani, President of Kabul Polytechnic University, President of Nangarhar University Dr. Khalil Ahmed Behsudwal, Prof.. . .
Tue, Jun 29 2021 7:44 AM
Background image

Nangarhar University signs MoU with Al Taqwa Institute of Higher Education.

 

 

According the officials, with accordance to the MoU, both the higher educational institutions would support each other in teaching, research, practicums, appointment of the. . .

Mon, Jun 28 2021 7:33 AM
Background image

Chancellor of Nangarhar University Professor Emeritus Dr. Khalil Ahmad Behsoodwal leads Academic Council.

 

 

Vice Chancellor for Academic Affairs Assistant Professor Dr. Mohammad Hamid Kadwal, Vice Chancellor for Administrative and Financial Affairs, Deans of faculties, Professors, the. . .

BACK TO NEWS

User account menu