د ننګرهار پوهنتون مشرتابه او محصلینو د سولې په اړه د ولسمشر لکچر واورېد

sakhizada_admin
سه‌شنبه ۱۳۹۹/۱۰/۲۳ - ۹:۴۳
iamge

 

د سولې د ټینګښت په اړه یاد لکچر، چې د افغانستان د جمهور رئیس محمد اشرف غني له خوا د کابل په پوهنتون کې وړاندې شو، د ننګرهار په ګډون په کې د هېواد د یو شمېر پوهنتونونو مسؤلینو، استادانو او محصلینو په انلاین ډول برخه واخیسته.

له ننګرهار پوهنتون څخه ددې پوهنتون رئیس پوهاند دوکتور خلیل احمد بهسودوال، د علمي چارو مرستیال پوهندوی دوکتور محمد حامد کډوال، د محصلانو چارو مرستیال پوهندوی سید اکرم هاشمي او د سولې مرکز غړي محصلین د نوموړي انلاین ویډیويي کنفرانس برخوال وو، چې ولسمشر په کې د سولې په تعریف، ډولونو، د سولې د نړیوالو معاهداتو او د افغان سولې په روان بهیر، خنډونو او د حل په لارو چارو مفصل علمي بحث وکړ او د کنفرانس ګډونوالو ته یې معلومات ورکړل.