ننګرهار پوهنتون کې "په ننګرهار کې نجونو د زده کړو په وړاندې خنډونه، په سوله يې اغېزې او حللارې" تر سرليک لاندي ازاد بحث ترسره شو.

nu_admin
شنبه ۱۳۹۹/۷/۱۹ - ۱۲:۴
image

د ننګرهار پوهنتون سولې مرکز

د افغان ښځو د پرمختګ او هوساينې بنسټ AWWDA په همکارۍ په ننګرهار کې د نجونو د زده کړو په وړاندې خنډونه او حل لارې تر عنوان لاندې یو ازاد جوړ شو

په بحث کې د نجونو د زده کړو پر وړاندې پر شته خنډونو او حل لارو خبرې وشوې .

په ياد بحث کې د ننګرهار پوهنتون د محصلانو چارو مرستيال او د حقوقو پوهنځي استاد پوهندوى سیداکرم هاشمي، د اقتصاد پوهنځي استاد او ننګرهار پوهنتون د سولې مرکز مشر پوهندوى نعیم جان سروري، د ښوونې او روزنې پوهنځي استاده پوهنیار شیلا بابري ، د شرعیاتو پوهنځي استاد پوهنمل احسان الله ناصح او د ښځو چارو د ریاست د عامه پوهاوي امر محمد حامد هوتک ګډون کړی و.

بحث کې هغه ټول خنډونه چې د نجونو د زده کړو په مخ کې پراته دي راڅرګند او حل لارې ورته په ګوته شوې.

بحث کې دا هم جوته شوه چې ډیرۍ انجونې د تعلیم پریښودو له امله په رواني ستونزو اخته کیږي چې د ځان وژنې او تاوتریخوالي لامل ګرځي.

عمده ستونزې چې د نجونو د زده کړو پر مخ شته هغه امنیتي، اقتصادي، ټولنیزې او کلتوري یادې شوې او د حل لارو لپاره یې عمده وړاندیزونه وشول.

سرچینه: ننګرهار پوهنتون سولې مرکز فیسبوک پاڼه