د ننګرهار پوهنتون مشرتابه ددې پوهنتون د انجنیري پوهنځي لیدنه او ارزونه وکړه.
د ننګرهار پوهنتون رئیس شـ/ـیخ انعام الله مدني په داسې حال کې، چې د علمي چارو مرستيال پوهندوى مـ/ـولوي احسان الله ناصح او د محصلانو چارو مرستیال پوهنیار حافظ سید محمدقاسم هاشمي یې ملتیا کوله، ددې پوهنتون د انجنیري پوهنځي د علمي او اداري چارو لیدنه او ارزونه وکړه.
د لیدنې پر مهال د انجنیري پوهنځي رئیس پوهنمل محمد اجمل ستانکزي او د څانګو د آمرینو له خوا د پوهنتون رهبرۍ ته د پوهنځي د فعالیتونو او لاسته راوړنو په اړه معلومات ورکړل شول.
پوهنمل ستانکزي د انجنیري پوهنځي ستونزې او وړاندیزونه هم د پوهنتون مشرتابه سره شریک کړل، چې د کادري او اداري بستونو کموالی، د لابراتوارونو تجهیز، د معیاري ودانۍ نه شتون، د محصلینو لپاره د عملي زده کړو د لا زیاتو فرصتونو برابرول په کې شامل وو.
د ننګرهار پوهنتون رئیس او مرستیالانو د خپلو ویناوو پر مهال د انجنیري پوهنځي په علمي او تدریسي فعالیتونو او لاسته راوړنو خوښي وښوده، د چارو د لاښه والي په موخه یې ورته اړینې سپارښتنې وکړې او د ستونزو د حل ډاډ یې ورکړ.
د مجلس په پای کې د پوهنتون رهبري پلاوي د انجنیري پوهنځي د تدریسي او اجرائیه مدیریتونو، لابراتوارونو، صنفونو او نورو برخو نه لیدنه وکړه.
سرچینه: د عامه اړیکو، اطلاعاتو او نشراتو آمریت
