د ننګرهار پوهنتون محصلینو ته په (مدني قضیه کې حکمیت) تر عنوان لاندې معلوماتي سیمینار وړاندې شو.
دغه سیمینار د ننګرهار پوهنتون د شرعیاتو او د حقوقو او سیاسي علومو پوهنځیو د درېیمو ټولګیو محصلینو لپاره جوړ شوی و، چې په کې د حکمیت اړوند مهم موضوعات تشریح شول.
همدارنګه د سیمینار په جریان کې په محصلینو عملي تمرینونه ترسره شول، څو وکولای شي د حکمیت بهیر په عملي ډول زده کړي.
یاد سيمینار د ننګرهار پوهنتون د محصلانو خدمتونو او همغږۍ امریت په نوښت د حقوقو او سیاسي علومو پوهنځي استاد پوهاند عبدالنصیر حمیدي له خوا وړاندې شو.
د سيمینار روزونکي استاد د موضوع ارایې پر مهال د حکمیت پېژندنې، ډولونو، حکمیت او منځګړیتوب ترمنځ توپیر، د حکمیت او قضاء ترمنځ توپیر او د موضوع اړوند نورو مسایلو په هکله معومات ورکړل او د محصلینو پوښتنې یې ځواب کړې.
په پای کې ګډونوال محصلین په ګروپونو ووېشل شول، هر یو ګروپ ته یوه موضوع وټاکل شوه او له تمرین کولو وروسته یې په سټېج ارایه کړه.
سرچینه: د اطلاعاتو، نشراتو او عامه اړیکو امریت
