د ننګرهار پوهنتون محصلینو ته(په چارو کې د وخت ضیاع او په ټولنه یې اغېزې) تر سرلیک لاندې سيمینار وړاندې شو.
یاد سيمینار د محصلانو خدمتونو همغږۍ امریت په نوښت د پوهنتون په عمومي مسجد کې د بېلابېلو پوهنځیو شاوخوا ۴۰۰ تنو محصلینو ته د شرعیاتو پوهنځي یو تن استاد لخوا وړاندې شو.
د سيمینار ارایه کوونکي او د ننګرهار پوهنتون د شرعیاتو پوهنځي استاد پوهاند اسرارالحی منیب د موضوع ارایې پر مهال د اسلامي شریعت له پلوه د وخت په اهمیت، د ضیاع اسبابو او لاملونو، د وخت بې ځایه تېرولو منفي پایلو، په ټولنه یې بدو اغېزو، وخت مدیریت او د چارو لپاره منظم مهال وېش جوړولو سربېره د موضوع اړوند نور مسایل په پوره وضاحت سره تشریح او د محصلینو پوښتنو ته یې ځوابونه وویل.
