فزيک ديپارتمنت

بسم الله الرحمن الرحیم

الحمد لله وکفي والصلاة والسلام علي عباده الذین اصطفي اما بعد:

د فزيک ډيپارتمنت امر پيغام!

السلام علیکم ورحمة الله وبرکاته

فزیک ډيپارتمنت ویاړي چې د کریدیت سیستم پر بنسټ ترتیب شوی تحصیلي نصاب د عصري تدریسي میتودونو، ټکنالوژۍ او اسلامي–افغاني ارزښتونو په رڼا کې پلي کوي او ټولنې ته مسلکي علمي کادرونه وړاندې کوي.

دا ډيپارتمنت د کیفیت تضمین، څارنې او ارزونې پروسو ته ژمن دی او خپلې ټولې علمي او اداري چارې د لوړو زده کړو وزارت د قوانینو سره سم، په شفاف او منظم ډول پرمخ وړي. استادان د هر سمستر په پیل کې درسي پلانونه وړاندې کوي او د کریدیت سیستم د تطبیق لپاره لازمې علمي هڅې ترسره کېږي.

همدارنګه، د ټولنې اړتیاوو ته په پام سره د معیاري نصاب د پراختیا هڅې روانې دي او تمه ده چې په راتلونکي کې به د لا قوي او معیاري تحصیلي نصاب د رامنځته کولو لپاره علمي همکارۍ لا پراخې شي.

د څانګې لنډه پېژندنه

ساینس پوهنځی د ننګرهار پوهنتون په چوکاټ کې په ۱۳۹۰ کال کې تاسیس او په همدې کال کې یې خپل علمي فعالیتونه رسماً

 پیل کړل. په لومړیو کې یاد پوهنځي د ریاضي، فزیک، کیمیا او بیولوژي په رشتو کې د درسي او علمي چارو پر مخ وړل شروع کړل.

وروسته بیا د فزیک څانګه د وخت داړتیاو او غوښتنو  سره سم په ۱۳۹۴ کال کې د ریاضي له څانګې څخه بېله او د یو مستقل دیپارتمنت په توګه تاسیس او منظور شوه. د فزیک څانګه د ساینس پوهنځي تر څنګ د انجینرۍ، وترنري، طب، زراعت او نورو پوهنځیو لپاره د طبعي علومو په برخه کې د خپلې کارونې لمخې ډیره اړینه او بنسټیزه بلل کېږي.

اوس مهال د فزیک څان

ګه په ساینس

پوهنځي او د پوهنتون دننه په مختلفو پوهنځیو کې نظري او عملي درسونه د ټاکل شوو نصابونو سره سم په منظم ډول پر مخ وړي. د یادې څانګې فارغان په بیلابېلو مسلکي ساحو کې لکه برېښنا او انرژي، الکترونیک، مخابرات، میخانیک، او د طب پوهنځي د رادیولوژۍ او راډیو تخنیک په برخو کې د فعالیت وړتیا لري او کولای شي په اغېزناک ډول خپل تخصصي مسولیتونه ترسره کړي.

همدارنګه، د فزیک څانګې د اتو استادانو له جملی څخه یې شپږو تنو استادانو په وروستیو کلونو کې د هېواد څخه بهر د فزیک په مختلفو برخو کې د ماسټرۍ زده‌کړې په بریالیتوب سره بشپړې کړې دي. نوموړي استادان د خپلو زده‌کړو  د پای ته رسولو  وروسته هېواد ته راستانه شوي او د هېواد د علمي ودې، د با کیفیته تدریس او د ځوان نسل د روزنې په برخه کې په بشپړ اخلاص او مسلکیتوب سره خپل خدمتونه ترسره کوي.

لرلید

د فزیک څانګه غواړي د اغیزناکې رهبرۍ او تخصصي بشري ځواک په لرلو سره د ټولنې د اړتیاوو سره سم معیاري تخصصي خدمات او د علمي څیړنو په ترسره کولو سره عصري علومو، تکنالوجی او د هیواد  د هر اړخیز او دوامداره پرمختګ په برخه کې د هیواد او سیمې په کچه ځانګړی مقام خپل کړي.

رسالت

د فزیک څانګه  د علمي تولید او لاسته راوړنو، معیاري علمي څېړنو او لازمو مهارتونو په اساس د کار او د بازار  اړتیاوو ته په کتنې سره ټولنې ته د مسلکي او ژمنو کادرنو وړاندې کول خپل لمړی ماموریت ګڼي. په دی توګه د هیواد په هر اړخیز ټیکاو او دوامداره پرمختیا کې اغیزناکه برخه اخلي.

د فزیک څانګې اساسي ارزښتونه:
علمي صداقت، کیفیت لرونکی تدریس، نوښت او علمي څېړنه، انتقادي تفکر، مسلکي اخلاق، همکاري، دوامداره زده کړه، او د ټولنې خدمت

د څانګې ستراتیژیک اهداف

د فزیک څانګې ستراتېژیک پلان جوړونې څخه موخه د لوړو زده کړو د بهیر چټکتیا او ښه والی دی تر څو په ټولنه کې د شته ناورینونو او ستونزو پای ته د رسېدو په برخه کې خپله ونډه واخلي. د فزیک څانګه د ټاکلو ارزښتونو، لیدلوري او معیارونو په پام کې نیولو سره داسې وړ، متخصص، مسلکي او معیاري کادرونه روزي چې د ټولنې په پرمختګ او د ستونزو په حل کې د خدمت وړاندې کولو جوګه شي. دفزیک څانګه پورته ارزښتونو او لید لوري ته د رسېدو په موخه په راتلونکو پنځو کلونو کې لاندې موخې تعقیبوي:

1. د  د فزیک د بنسټیزو او پرمختللو اصولو په  تدریس سره په  لوړه کچه د علمي پوهې رامنځ ته کول
2. د محصلینو د تحلیلي انتقادي او تجربوی مهارتونو پیاوړي کول
3. د څیړنیزو نوښتونو او علمي سپړنو لپاره مناسب چاپیریال برابرول.
4. د ساینس او ټکنالوجی په برخه کې دهیواد د اړتیا‌ؤ د پوره کولو لپاره د کادرونو روزل.
5. د ملي او نړیوالو علمي موسسو سره د همکاریو پراختیا او ګډو څیړنو د ترسره کولو لپاره هڅونه.
6. په علمي او اکاډميکو چارو کې د خپلواکۍ په لرلو سره د پوهنځي او پوهنتون له څانګو سره سالمې سیالیو ته چمتووالی.

د جوړېدو تاریخچه

ساینس پوهنځی د ننګرهار پوهنتون په چوکاټ کې په ۱۳۹۰ کال کې تاسیس او په همدې کال کې یې خپل علمي فعالیتونه رسماً پیل کړل. په لومړیو کې یاد پوهنځي د ریاضي، فزیک، کیمیا او بیولوژي په رشتو کې د درسي او علمي چارو پر مخ وړل شروع کړل. وروسته بیا د فزیک څانګه د وخت داړتیاو او غوښتنو  سره سم په ۱۳۹۴ کال کې د ریاضي له څانګې څخه بېله او د یو مستقل دیپارتمنت په توګه تاسیس او منظور شوه. د فزیک څانګه د ساینس پوهنځي تر څنګ د انجینرۍ، وترنري، طب، زراعت او نورو پوهنځیو لپاره د طبعي علومو په برخه کې د خپلې کارونې لمخې ډیره اړینه او بنسټیزه بلل کېږي.

فزيک د څانګې اداري جوړښت

•  پوهندوی محمد جواد نیازی ( د څانګې مشر)
• پوهنوال سید حبیب الله هاشمی( غړی)
• پوهندوی رفیع الله رفیع  ( غړی)
• پوهنمل اکرام الله وقار ( غړی)
• پوهنیار منصور ظاهرزی( غړی)
• پوهنیار ضیاالحق  عزیزی ( غړی)
• نوماند پوهنیار حبیب حضرت ( غړی)
•  نوماند پوهنیار خالد پاچا ( غړی)
•  احد الله قریشی ( لابرانت)

فزيک دپپارتمنت تشکیلاتي چارت(Organogram  )

د فزیک څانګې اکاډمیک پروګرامونه

فزیک څانګه یواځې د لیسانس په کچه فارغان ورکوی

سند :

لیسانس

برنامي په اړه مالومات

د فزیک دیپارتمنت لیسانس دوری ټول(۱۵۶) کریډیټونه لری چې د کریډیټ سیستم په بڼه اته سمسترونو کې ترتیب شوی ، هر کریډیټ نظری او عملی درسونه لری ، د نوموړی کریډیټونو له جملی څخه (٪۱۱) عمومی مضامین،(٪۳۴) اساسی مضامین،(٪۳۸) اختصاصی مضامین،(٪۱۱) عملی مضامین او (٪۶) اختیاری مضامینو لپاره ځانګړی شوی دی.

داخليدو د پرنسيب:

فزیک څانګې ته هر کال د لوړوزده کړووزارت له لوری دکانکور ازموینې له طریقه کامیاب محصلین معرفی کیږی

موده او کريديت سیستم:

  فزیک څانګه د لیسانس په کچه په هرو څلورکلونو کې ۱۵۶ کریډیټونه چې اته سمسترونه  تدریس کیږی.

کورسونه او نصاب (Courses & Curriculum)

ساینس پوهنځی فزیک دیپارتمنت مضامین

د تدریس ميتود:

OBE – SCL

د پایلو پر بنسټ زده کړه

څېړنه (Research)

د فزیک څانګې د خارجی مقالو لست

د فزیک څانګې داخلي مقالو لست

د ساینس پوهنځي د فزیک څانګې د نشر شويو خارجي مقالو جدول

روانې پروژې (Ongoing Projects)

فزيک څانګې استادان

محصلان (Students)

په ۱۴۰۴  کال کې د ۲۲ تنه فارغان لرل. په ۱۴۰۵ به ۱۴ تنه د فراغت په درشل کې دي

د زده کوونکو لاسته راوړنې

د افغانستان په مختلفو پوهنتونونو کې استادی دندی لری او همدارنګه په مختلفو ادارو کې په لوړو پوسټونو کارونه کوی