ننګرهار پوهنتون کې د مضره حشراتو پر ضد د دوا پاشۍ کمپاین ترسره شو.

nu_admin
شنبه ۱۴۰۱/۳/۷ - ۸:۲۶
image

 

د ننګرهار پوهنتون مرکزي کمپس کې د ماشو، مچانو او نورو مضره حشراتو او همدارنګه د ونو او بوټو د غوړکي مرض پر ضد ددې پوهنتون د مشرتابه په لارښوونه او د ننګرهار کانال او زراعت ریاستونو په تخنیکي مرسته د دواپاشۍ کمپاین ترسره شو.

یاد کمپاین د غبرګولي په ۵ مه نېټه د دې پوهنتون په مرکزي کمپس کې ترسره شو، چې پرانیسته یې د لوړو زده کړو وزارت د فوق العاده استازي او د ننګرهار پوهنتون د اداري او مالي چارو مرستیال قاضي خالد صداقت، د محصلانو چارو مرستیال پوهنوال سید اکرم هاشمي، د کرنې پوهنځي استاد پوهنیار طیب الله زاهد، د ننګرهار کانال ریاست د نباتاتو ساتنې آمر انجنیر شمس الرحمن شمس او د ننګرهار پوهنتون د ساتنې او څارنې مدیریت د مسؤلینو له خوا وشوه.

د لوړو زده کړو وزارت فوق العاده استازي او د ننګرهار پوهنتون د اداري او مالي چارو مرستیال قاضي خالد صداقت وویل: دا چې په دې وروستیو کې د پوهنتون په مرکزي کمپس کې د ماشو او نورو حشراتو شتون استادان او محصلین په تکلیف کړي وو او دغه راز یو شمېر ونې او بوټي د غوړکي په مرض اخته شوې او د وچېدو له ګواښ سره مخ وې، نو د پوهنتون ادارې د کرنې او طب پوهنځیو او همدارنګه د کانال او زراعت ریاستونو سره په مشوره دغه کمپاین ترسره کړ.

ښاغلي صداقت د ننګرهار کانال او زراعت ریاستونو مننه وکړه، چې د یاد کمپاین په ترسراوي کې یې د پوهنتون له ادارې سره د دوا او تخنیکي وسایلو مرسته وکړه.

تازه خبرونه

یکشنبه ۱۴۰۵/۹/۱ - ۱۵:۵۶
Background image

د وردګ پوهنتون په علمي – څېړنیز کنفرانس کې د ننګرهار پوهنتون ګډونوال څېړونکي استادان وستایل شول.

ننګرهار پوهنتون خپل هغه استادان وستایل، چې د لوړو زده کړو محترم وزارت په رهبرۍ او وردګ پوهنتون په کوربه توب جوړ شوي (د عالیقدر امیرالمؤمنین شیخ الاسلام حفظه الله تعالی و رعاه د فرمانونو. . .

شنبه ۱۴۰۵/۸/۲ - ۱۳:۱
Background image

د ننګرهار پوهنتون محصلینو ته د مشاورې مهارتونو او رواني روغتیا په اړه معلوماتي سیمینار وړاندې شو.

یاد سيمینار چې د دې پوهنتون د محصلانو خدمتونو او همغږۍ امریت په هڅو د ښوونې او روزنې پوهنځي د ارواپوهنې او پیداګوژي څانګې دوو تنو استادانو له خوا ترسره شو، پر مهال یې سلګونو تنو محصلینو. . .

چهارشنبه ۱۴۰۵/۷/۲۹ - ۱۱:۴۵
Background image

د ننګرهار پوهنتون کارکوونکو ته اداري فساد سره د مبارزې په اړه معلوماتي سیمینار وړاندې شو.

د ننګرهار پوهنتون کارکوونکو چارو امریت اړوند وړتیا لوړونې عمومي مدیریت په نوښت د اداري فساد مخنیوي، ورځینو چارو لا روڼتیا او د یوې سالمې، ځواب ‌ویونکې او شفافې اداري فضا تأمین په موخه د. . .

BACK TO NEWS

User account menu