ولسي جرګې د ننګرهار پوهنتون د مشرتابه، مرستیالانو او د پوهنځیو رئیسانو خدمتونه تقدیر کړل

sakhizada_admin
دوشنبه ۱۳۹۹/۱۱/۶ - ۱۱:۵۶
image

 

د ولسي جرګې د ديني، کلتوري، پوهنې، لوړو زده کړو، ارشاد، حج او اوقافو چارو کمېسون مشرتابه د ننګرهار پوهنتون د رئیس، مرستیالانو او د اړوندو پوهنځیو رئیسانو اکاډمیک خدمتونه او وروستۍ لاسته راوړنې د تقدیرنامو په ورکړې سره تقدیر کړل.

په همدې مناسبت د ننګرهار پوهنتون په ریاست مقام کې غونډه جوړه شوې وه، چې د ننګرهار پوهنتون رئیس پوهاند دوکتور خلیل احمد بهسودوال په کې د ولسي جرګې د ديني، کلتوري، پوهنې، لوړو زده کړو، ارشاد، حج او اوقافو چارو کمېسون له مشرتابه، غړو او په ځانګړې توګه په ولسي جرګه کې د ننګرهار د خلکو استازې او د یاد کمېسون له غړې لیلما ولي حکمي مننه وکړه، چې د دوی د هلو ځلو قدردانی یې وکړ.

نوموړي وویل: ننګرهار پوهنتون د ټولو افغانانو ګډ علمي کور دی او د پرمختګ لپاره به یې د خپل ژمن ټیم په ملتیا لا زیاتې هلې ځلې وکړي.

د ولسي جرګې یاد کمېسون د ننګرهار پوهنتون رئیس پوهاند دوکتور خلیل احمد بهسودوال، د علمي چارو مرستیال پوهندوی دوکتور محمد حامد کډوال، د محصلانو چارو مرستیال پوهندوی سید اکرم هاشمي، د اداري او مالي چارو مرستیال حمیدالله احمدزي، د طب پوهنځي رئیس پوهاند ډاکتر ناصر خان کامه وال، د شرعیاتو پوهنځي رئیس پوهاند دوکتور اسرارالحی منیب، د اقتصاد پوهنځي رئیس پوهنوال محمد زبیر نورمل، د ښوونې او روزنې پوهنځي رئیس پوهنوال کریم الله بیدار، د وترنري علومو پوهنځي رئیس پوهنوال پیرمحمد ستانکزي، د حقوقو او سیاسي علومو پوهنځي رئیس پوهندوی دوکتور رفیع الله عطاء، د کرنې پوهنځي رئیس پوهندوی دوکتور رشاد احمد شېرزاد، د ساینس پوهنځي رئیس پوهندوی صفت الله شاکر، د ژورنالېزم او عامه اړیکو پوهنځي رئیس پوهندوی سید سمیع الله سعیدي، د ژبو او ادبیاتو پوهنځي رئیس پوهنمل محمد عارف حازم، د انجنیري پوهنځي رئیس پوهنمل محمد اجمل ستانکزي، د کمپیوټر ساینس پوهنځي رئیس پوهنمل محمد یوسف مومند او د عامه ادارې او پاليسۍ پوهنځي رئیس پوهنیار عدالت مومند ته تقدیرنامې رالېږلې وې، چې د پوهنتون د مشرتابه له خوا ورته وسپارل شوې.

تازه خبرونه

یکشنبه ۱۴۰۵/۹/۱ - ۱۵:۵۶
Background image

د وردګ پوهنتون په علمي – څېړنیز کنفرانس کې د ننګرهار پوهنتون ګډونوال څېړونکي استادان وستایل شول.

ننګرهار پوهنتون خپل هغه استادان وستایل، چې د لوړو زده کړو محترم وزارت په رهبرۍ او وردګ پوهنتون په کوربه توب جوړ شوي (د عالیقدر امیرالمؤمنین شیخ الاسلام حفظه الله تعالی و رعاه د فرمانونو. . .

شنبه ۱۴۰۵/۸/۲ - ۱۳:۱
Background image

د ننګرهار پوهنتون محصلینو ته د مشاورې مهارتونو او رواني روغتیا په اړه معلوماتي سیمینار وړاندې شو.

یاد سيمینار چې د دې پوهنتون د محصلانو خدمتونو او همغږۍ امریت په هڅو د ښوونې او روزنې پوهنځي د ارواپوهنې او پیداګوژي څانګې دوو تنو استادانو له خوا ترسره شو، پر مهال یې سلګونو تنو محصلینو. . .

چهارشنبه ۱۴۰۵/۷/۲۹ - ۱۱:۴۵
Background image

د ننګرهار پوهنتون کارکوونکو ته اداري فساد سره د مبارزې په اړه معلوماتي سیمینار وړاندې شو.

د ننګرهار پوهنتون کارکوونکو چارو امریت اړوند وړتیا لوړونې عمومي مدیریت په نوښت د اداري فساد مخنیوي، ورځینو چارو لا روڼتیا او د یوې سالمې، ځواب ‌ویونکې او شفافې اداري فضا تأمین په موخه د. . .

BACK TO NEWS

User account menu