د جلال آباد ښاروالۍ او د غصب څخه د مخنیوي تخنیکي کمېسون له لوري د مولانا قیام الدین خادم ښارګوټی رسماً د ننګرهار پوهنتون مسؤلینو او استادانو ته وسپارل شو.

nu_admin
شنبه ۱۴۰۱/۱۱/۲۹ - ۱۱:۴۰
image

 

د ننګرهار پوهنتون د استادانو یاد ښارګوټی د جلال اباد ښاروالۍ اړوند د اتمې ناحیې په بحراباد سیمه کې موقعیت لري، چې د جوړېدو چارې یې له څه مودې راهیسې ځنډېدلې وې، چې د قانوني اسنادو د بررسۍ او کتنې وروسته یو ځل بیا په رسمي توګه ددې پوهنتون استادانو ته وسپارل شو.

په همدې موخه په یاد ښارګوټي کې مراسم جوړ شوي وو، چې د ننګرهار پوهنتون د مشرتابه او استادانو سربېره په کې د جلال آباد ښاروالۍ مسؤلینو، غصب څخه د مخنیوي کمېسون غړو او د ولایتي ادارې یو شمېر رئیسانو برخه لرله.

د غونډې د پرانیستې وینا پر مهال د ننګرهار پوهنتون رئیس پوهاند دوکتور خلیل احمد بهسودوال د جلال اباد ښاروال او د غصب څخه د مخنیوي کمېسون له غړو مننه وکړه، چې د دې ښارګوټي په راګرځولو او قانوني مراحلو طی کولو کې یې ورسره همکاري وکړه.

نوموړي اړوندو مسؤلینو ته سپارښتنه وکړه، چې د پوهنتون نویو مقرر شویو استادانو او همدارنګه اداري او خدماتي کارکوونکو ته دې هم یوه یوه نمره ځمکه د پوهنتون په انکشافي ځمکه کې د کور جوړولو لپاره ورکړل شي.

د استادانو ښارګوتي کمېسون مشر پوهاند احمد ګل واثق د یاد ښارګوټي او ددې ښارګوټي او همدارنګه د پوهنتون نورو ځمکو ته د غصب ګواښونو او همدارنګه د استملاک ستونزو په اړه د غونډې برخوالو ته معلومات ورکړل.

جلال اباد ښاروال حاجي ملا نعمت الله اخند او د غصب څخه د مخنیوي کمېسون مسؤل مولوي محمد فاروق انصاري د غونډې نور ویناوال وو، چې د خپلو خبرو پر مهال یې د پوهنتون مسؤلینو او استادانو ته ډاډ ورکړ، چې د غصب شویو ځمکو په راګرځولو او همدارنګه ددې ښارګوټي د سرکونو، ویالو، کانالیزیسون او نورو اړوندو چارو په ترسراوي کې لازمې هلې ځلې وکړي.

تازه خبرونه

یکشنبه ۱۴۰۵/۹/۱ - ۱۵:۵۶
Background image

د وردګ پوهنتون په علمي – څېړنیز کنفرانس کې د ننګرهار پوهنتون ګډونوال څېړونکي استادان وستایل شول.

ننګرهار پوهنتون خپل هغه استادان وستایل، چې د لوړو زده کړو محترم وزارت په رهبرۍ او وردګ پوهنتون په کوربه توب جوړ شوي (د عالیقدر امیرالمؤمنین شیخ الاسلام حفظه الله تعالی و رعاه د فرمانونو. . .

شنبه ۱۴۰۵/۸/۲ - ۱۳:۱
Background image

د ننګرهار پوهنتون محصلینو ته د مشاورې مهارتونو او رواني روغتیا په اړه معلوماتي سیمینار وړاندې شو.

یاد سيمینار چې د دې پوهنتون د محصلانو خدمتونو او همغږۍ امریت په هڅو د ښوونې او روزنې پوهنځي د ارواپوهنې او پیداګوژي څانګې دوو تنو استادانو له خوا ترسره شو، پر مهال یې سلګونو تنو محصلینو. . .

چهارشنبه ۱۴۰۵/۷/۲۹ - ۱۱:۴۵
Background image

د ننګرهار پوهنتون کارکوونکو ته اداري فساد سره د مبارزې په اړه معلوماتي سیمینار وړاندې شو.

د ننګرهار پوهنتون کارکوونکو چارو امریت اړوند وړتیا لوړونې عمومي مدیریت په نوښت د اداري فساد مخنیوي، ورځینو چارو لا روڼتیا او د یوې سالمې، ځواب ‌ویونکې او شفافې اداري فضا تأمین په موخه د. . .

BACK TO NEWS

User account menu