د ننګرهار پوهنتون له خوا هلمند پوهنتون سره د ۱۵۰ جلده کتابونو مرسته وشوه.
د ننګرهار پوهنتون کتابتون امریت د هلمند پوهنتون کرنې پوهنځي سره د کرنیزو علومو په برخه کې د ۱۵۰ جلده کتابونو مرسته وکړه.
د کتابونو یاده مرسته د ننګرهار پوهنتون د څېړنو او علمي مجلو مرستیال له خوا د هلمند پوهنتون د کرنې پوهنځي رئیس ته په ننګرهار پوهنتون کې وسپارل شوه.
د ننګرهار پوهنتون د څېړنو او علمي مجلو مرستیال پوهندوی دوکتور سعید محمد وقار خوښي وښوده چې د علمي همکاریو په چوکاټ کې یې د هلمند پوهنتون کرنې پوهنځي سره د مسلکي کتابونو مرسته وکړه او یاد علمي اثار یې د استادانو او محصلینو لپاره مهمې او ګټورې علمي سرچینې وبللې.
د هلمند پوهنتون د کرنې پوهنځي رئیس پوهنمل دوکتور شمس الدین وفا د کتابونو یادې مرستې له کبله د ننګرهار پوهنتون له مسؤلینو مننه وکړه او یاده مرسته یې د خپل پوهنځي او پوهنتون لپاره خورا ارزښتناکه یاده کړه او هیله یې څرګنده کړه، د دواړو پوهنتونونو تر منځ علمي اړیکې او همکارۍ دوامداره پاتې شي.
په ورته مهال د پښتو ژبې او ادب برخه کې د هېواد پیاوړي لیکوال او نوموتي څېړونکي او د ننګرهار پوهنتون د ژبو او ادبیاتو پوهنځي د ماسترۍ برنامې پخواني استاد زلمي هېوادمل له لوري ننګرهار پوهنتون سره د ۱۶۰ جلده کتابونو مرسته وشوه، چې د دیني، فکري او اخلاقي کمېټې د ارزونې وروسته به مرکزي کتابتون کې ځای پر ځای شي.
