د علمي چارو مرستیال د فارغېدونکو ماسترانو په دفاع غونډه کې ګډون وکړ.
د ننګرهار پوهنتون د علمي چارو مرستیال پوهنوال مولوي احسان الله ناصح د دې پوهنتون د کرنې پوهنځي هارتیکلچر څانګې ماسترۍ برنامې لومړۍ دورې فارغېدونکو محصلینو د تیزسونو په دفاع غونډه کې ګډون وکړ.
د علمي چارو مرستیال ښاغلي ناصح غونډې ته په خپله وینا کې د محصلینو ترسره کړي څېړنیز فعالیتونه وستایل او سپارښتنه یې ورته وکړه، چې د خپلو څېړنو پایلو ته تطبیقي جنبه ورکړي، تر څو کرنیز سکتور کې مثبت بدلون رامنځته او اړونده برخه کې شته ستونزې حل شي.
نوموړي زیاته کړه، چې د فوق لیسانس برنامو فارغېدونکي محصلین تر نورو زیات مسؤلیت لري، چې مختلفو علومو کې تحقیقات ترسره او د ټولنې اړتیاوو ته علمي او عملي حل لارې ولټوي.
د دفاع غونډو په سلسله کې نن ورځ عبید الله پتیال (د ګازرې په وده د عضوي او غیر عضوي سرې تاثیر) موضوع په اړه د خپل کړي تحقیق پایلې شریکې کړې، چې د ژوري هیئت له خوا یې مثبته ارزونه وشوه.
د یادونې وړ ده، چې په یاده غونډه کې د کرنې پوهنځي رئیس پوهنمل طیب الله ذاهد، د هارتیکلچر څانګې ماسترۍ برنامې آمر پوهنوال دوکتور محمد اسماعیل سعادت او د کرنې پوهنځي استادانو هم حضور درلود.
