د حقوقو او سیاسي علومو پوهنځي محصلینو د ماشومانو د حقوقو اړوند د جزايي محاکمې تمثيل ترسره کړ.
د ماشومانو د محاکمې یاده عملي ننداره د حقوقو او سیاسي علومو پوهنځي د څلورم ټولګي محصلینو له خوا د پوهندوی استاد صفي الله عرب زي د لارښوونې او نظارت لاندې ترسره شوه.
د یا تمثیل پر مهال محصلینو د خپلو وړتیاوو له مخې په جزايي محاکمه کې د ښکلېو افرادو ( د قضايي غونډې رئیس، مدقق قاضي، مفتي، قضايي غړي، مدافع وکیل، مدعي، شاهد او متضرر) نقشونه ولوبول.
په نوموړي تمثیل کې د حقوقو او سیاسي علومو پوهنځي رئیس او د محصلانو خدمتونو انسجام امریت مسؤلینو برخه لرله، چې په خپلو خبرو کې یې محصلینو لپاره د دا ډول عملي او روزنیزو پروګرامونو په اړتیا او اهمیت خبرې وکړې او تمثیل کوونکي محصلین یې وستایل.
