د حقوقو او سیاسي علومو پوهنځي د ماسترۍ ۲۰ تنو محصلینو د ننګرهار ولایت د ماشومانو دارالتادیب څخه لیدنه وکړه.
د ننګرهار پوهنتون محصلانو خدمتونو او همغږۍ امریت حقوقي کلینیک له لوري د دې پوهنتون د حقوقو او سیاسي علومو پوهنځي د قضاء او څارنوالۍ ماسترۍ برنامې شل تنو محصلینو ته د علمي سیر په موخه د ننګرهار ولایت د ماشومانو دارالتادیب څخه لیدنې زمینه برابره شوه.
د یاد علمي سیر پر مهال محصلینو ته د دارالتادیب پېژندنې، ایجاد تاریخي مخینې، دندو او مسؤلیتونو، د ماشومانو قضیو او دوسیو ته د رسېدنې پروسې، دارالتادیب کې ماشومانو ته د شته امکاناتو، اسانتیاوو او نورو بېلابېلو برخو په هکله معلومات وړاندې شول او د هغوی پوښتنو ته د مسؤلینو له لوري ځوابونه وویل شول.
د دې لیدنې په پای کې د ننګرهار پوهنتون د حقوقو او سیاسي علومو پوهنځي استاد پوهاند احمد ګل واثق او نورو مسؤلینو د دارالتادیب له رهبرۍ مننه وکړه، چې په ښه توګه یې محصلینو ته مسلکي او ارزښتناک معلومات ورکړل.
