د ننګرهار پوهنتون د تقرر او انفکاک مجلس ددې پوهنتون د رئيس په مشرۍ ترسره شو.

په یاده کاري ناسته کې چې د پوهنتون ریاست مقام کې ترسره شوه، د ننګرهار پوهنتون د اداري او مالي چارو مرستیال پوهنیار قاضي خالد صداقت، د اړوندو پوهنځیو او تدریسي روغتون رئیسانو په کې برخه لرله.
د ننګرهار پوهنتون رئیس شـ/یخ انعام الله مدني د خپلې وینا پر مهال د مجلس غړو ته د استادانو تقرر او انفکاک پروسه کې د شفافیت او عدالت په پام کې نیولو سپارښتنه وکړه او په خبره یې دغه چاره په پوهنتون د خلکو د باور زیاتوالي سبب ګرځي.
نوموړي دغه راز زیاته کړه، چې پوهنتون کې به د وړ او ژمنو علمي کادرونو د ګمارنې او پرمختللو اکاډمیکو خدمتونو وړاندې کولو په برخه کې خپل کوښښونه جاري وساتي.  
د مجلس په وروستۍ برخه کې د ننګرهار، کونړ سید جمال الدین افغاني، لغمان او بامیان سربېره د سپین غر او التقوی پوهنتونونو د استادانو د تقرر ۱۹ او انفکاک ۷ کیسونه مطرح او په اړه یې لازمې پرېکړې وشوې.
سرچینه: د اطلاعاتو، نشراتو او عامه اړیکو آمریت