د ننګرهار پوهنتون متقاعد استادان او اداري کارکوونکي وستایل شول.

nu_admin
شنبه ۱۴۰۱/۱/۶ - ۷:۲
image

 

د ننګرهار پوهنتون د مشرتابه له خوا ددې پوهنتون د بېلابېلو پوهنځیو او څانګو د ۱۳ تنو استادانو او اداري او خدماتي کارکوونکو، چې سږ کال تقاعد ته سوق شوي وو، د اکاډمیکو او اداري خدمتونو قدردانی وشو.

په همدې مناسبت د وري په ۳مه د ننګرهار پوهنتون ریاست مقام کې ستاینغونډه جوړه شوې وه، چې د ننګرهار پوهنتون رئیس ، د لوړو زده کړو وزارت فوق العاده استازي، د علمي چارو او محصلانو چارو مرستیالانو، د بېلابېلو پوهنځیو رئیسانو، د بشري سرچینو آمر او د ځینو اداري څانګو مسؤلینو په کې برخه لرله.

غونډې ته د وينا پر مهال د ننګرهار پوهنتون رئيس پوهاند دوکتور خلیل احمد بهسودوال په علمي، تدریسي او اداري برخو کې د متقاعدو استادانو او اداري او خدماتي کارکوونکو د ترسره کړیو خدمتونو یادونه او ستاینه وکړه.

نوموړي وويل: نن ورځ مونږ او تاسې د داسې شخصيتونو په وياړ راټول شوي يو، چې هر یو تن یې نږدې څلور لسیزې د ننګرهار پوهنتون په چوکاټ کې د هېواد او ولس خدمت وکړ.

پوهاند بهسودوال زياته کړه: د ننګرهار پوهنتون د علمي پرمختګ، اکاډميکو چارو سمبالتيا او د مسلکي کادرونو د روزنې په برخه کې زمونږ د درنو استادانو هڅې او کوښښونه له هیچا پټ نه دي، مونږ يې قدردانى کوو او د لوی خدای (ج) له درباره ورته د اجر او په راتلونکې کې د ښې روغتیا غوښتنه کوو.

د لوړو زده کړو وزارت فوق العاده استازي او د ننګرهار پوهنتون د اداري او مالي چارو مرستیال قاضي خالد صداقت هم د متقاعدو استادانو او اداري کوونکو په ترسره کړیو خدمتونو رڼا واچوله او د ستاینې تر څنګ یې له هغوی څخه په راتلونکې کې هم د مرستې او علمي همکاریو د دوام غوښتنه وکړه.

د متقاعدو استادانو په استازولۍ د طب پوهنځي متقاعد استاد پوهاند ډاکتر احسان الله احسان او د ښوونې او روزنې پوهنځي متقاعد استاد پوهندوی الله داد اسماعیلزي د پوهنتون له مشرتابه مننه وکړه، چې د دوی خدمتونه يې وستايل او ژمنه يې وکړه، چې په راتلونکې کې به هم د پوهنتون له ادارې او اړوندو څانګو سره خپلو همکاریو ته دوام ورکړي.

د غونډې په پاى کې د پوهنتون مشرتابه متقاعدو استادانو او اداري او خدماتي کارکوونکو ته د هغوی د خدمتونو د قدرداني په موخه ستاینلیکونه ورکړل.

تازه خبرونه

یکشنبه ۱۴۰۵/۹/۱ - ۱۵:۵۶
Background image

د وردګ پوهنتون په علمي – څېړنیز کنفرانس کې د ننګرهار پوهنتون ګډونوال څېړونکي استادان وستایل شول.

ننګرهار پوهنتون خپل هغه استادان وستایل، چې د لوړو زده کړو محترم وزارت په رهبرۍ او وردګ پوهنتون په کوربه توب جوړ شوي (د عالیقدر امیرالمؤمنین شیخ الاسلام حفظه الله تعالی و رعاه د فرمانونو. . .

شنبه ۱۴۰۵/۸/۲ - ۱۳:۱
Background image

د ننګرهار پوهنتون محصلینو ته د مشاورې مهارتونو او رواني روغتیا په اړه معلوماتي سیمینار وړاندې شو.

یاد سيمینار چې د دې پوهنتون د محصلانو خدمتونو او همغږۍ امریت په هڅو د ښوونې او روزنې پوهنځي د ارواپوهنې او پیداګوژي څانګې دوو تنو استادانو له خوا ترسره شو، پر مهال یې سلګونو تنو محصلینو. . .

چهارشنبه ۱۴۰۵/۷/۲۹ - ۱۱:۴۵
Background image

د ننګرهار پوهنتون کارکوونکو ته اداري فساد سره د مبارزې په اړه معلوماتي سیمینار وړاندې شو.

د ننګرهار پوهنتون کارکوونکو چارو امریت اړوند وړتیا لوړونې عمومي مدیریت په نوښت د اداري فساد مخنیوي، ورځینو چارو لا روڼتیا او د یوې سالمې، ځواب ‌ویونکې او شفافې اداري فضا تأمین په موخه د. . .

BACK TO NEWS

User account menu