د ملګرو ملتونو د کډوالو ادارې او ننګرهار پوهنتون تر منځ د ګډو همکاریو تفاهملیک لاسلیک شو.

nu_admin
یکشنبه ۱۴۰۰/۹/۲۱ - ۹:۴
image

 

یاد تفاهملیک په ختیځ کې د ملګرو ملتونو د کډوالو ادارې UNHCR عمومي رئیس ویلیم ایجالو او د ننګرهار پوهنتون د رئیس پوهاند دوکتور خلیل احمد بهسودوال تر منځ د پوهنتون په ریاست مقام کې په داسې حال کې لاسلیک شو، چې د ننګرهار ولایت د دولتي او خصوصي پوهنتونونو لپاره د لوړو زده کړو وزارت فوق العاده استازي او د ننګرهار پوهنتون د اداري او مالي چارو مرستیال قاضي خالد صداقت، د علمي چارو مرستیال پوهنمل احسان الله ناصح، د محصلانو چارو مرستیال پوهنوال سید اکرم هاشمي او د ملګرو ملتونو د کډوالو ادارې د خوندیتوب برخې مسؤل یوسف مزي ګواني او نورو همکارانو یې هم حضور درلود.

د مسؤلینو په وینا، د یاد تفاهملیک له مخې به د ننګرهار پوهنتون لس تنه هغه بې وزله محصلین، چې هېواد ته نوی راستانه شوي او پوهنتون ته نوی جذب شوي وي، د لیسانس دورې د څلورو کلونو په موده کې مالي ملاتړ ترلاسه کړي.

د تفاهملیک د لاسلیک پر مهال ښاغلي ایجالو وویل: اداره یې له ننګرهار پوهنتون سره د څېړنو او نورو علمي برخو کې د ګډ کار لېوالتیا لري او ډېر ژر به په دې برخه کې د پوهنتون د ادارې سره په همغږۍ اړین ګامونه واخلي.

د ننګرهار پوهنتون رئیس پوهاند دوکتور خليل احمد بهسودوال د پوهنتونونو او ذیربطو ادارو تر منځ د ګډو همکاریو پر شونتیا او ارزښت خبرې وکړې او د مننې تر څنګ یې راغلي پلاوي ته ډاډ ورکړ، چې د یوه شفاف میکانېزم له لارې به ورته یاد محصلین ور وپېژني.

تازه خبرونه

شنبه ۱۴۰۵/۸/۲ - ۱۳:۱
Background image

د ننګرهار پوهنتون محصلینو ته د مشاورې مهارتونو او رواني روغتیا په اړه معلوماتي سیمینار وړاندې شو.

یاد سيمینار چې د دې پوهنتون د محصلانو خدمتونو او همغږۍ امریت په هڅو د ښوونې او روزنې پوهنځي د ارواپوهنې او پیداګوژي څانګې دوو تنو استادانو له خوا ترسره شو، پر مهال یې سلګونو تنو محصلینو. . .

چهارشنبه ۱۴۰۵/۷/۲۹ - ۱۱:۴۵
Background image

د ننګرهار پوهنتون کارکوونکو ته اداري فساد سره د مبارزې په اړه معلوماتي سیمینار وړاندې شو.

د ننګرهار پوهنتون کارکوونکو چارو امریت اړوند وړتیا لوړونې عمومي مدیریت په نوښت د اداري فساد مخنیوي، ورځینو چارو لا روڼتیا او د یوې سالمې، ځواب ‌ویونکې او شفافې اداري فضا تأمین په موخه د. . .

چهارشنبه ۱۴۰۵/۷/۲۹ - ۱۱:۴۲
Background image

د ننګرهار پوهنتون محصلینو ته د سلام اچولو د اهمیت او فضیلتونو په اړه اصلاحي سیمینار وړاندې شو.

د ننګرهار پوهنتون دعوت او ارشاد امریت له خوا د دې پوهنتون لیلیه محصلینو ته په اسلام مبارک دین کې د سلام اچولو د اهمیت، فضیلتونو او ټولنیزو ګټو په اړه اصلاحي او معلوماتي سیمینار وړاندې. . .

BACK TO NEWS

User account menu