ننګرهار پوهنتون شرعیاتو پوهنځي کې د دوکتورا پروګرام دفاع غونډه جوړه شوه.

nu_admin
شنبه ۱۴۰۰/۸/۲۹ - ۹:۵۲
image

 

د بغلان پوهنتون استاد عبدالواحد لیاقت د شرعیاتو پوهنځي د فقهې او قانون دوکتورا پروګرام د دویمې دورې سکالر له خپل پایلیک څخه په بریالي ډول دفاع وکړه.

په همدې مناسبت د ننګرهار پوهنتون شرعیاتو پوهنځي د امام ابوحنیفه (رح) د غونډو په تالار کې مراسم جوړ شوي وو، چې د ننګرهار پوهنتون رئیس پوهاند دوکتور خلیل احمد بهسودوال، د علمي چارو مرستیال پوهنمل احسان الله ناصح، د محصلانو چارو مرستیال پوهنوال سید اکرم هاشمي، د افغانستانو د دکتورانو ټولنې (ادا) رئیس پوهنوال دوکتور عبدالمتین شهیدي او د یادې ټولنې یو شمېر غړو، د شرعیاتو پوهنځي رئیس پوهاند دوکتور اسرارالحی منیب او د یاد پوهنځي او د پوهنتون د ځینو نورو پوهنځیو استادانو، علماوو او پوهانو په کې برخه لرله.

د غونډې د پرانیستې وینا پر مهال د ننګرهار پوهنتون رئیس پوهاند دوکتور خلیل احمد بهسودوال ددې پوهنتون د شرعیاتو پوهنځي د فقهې او قانون څانګې څخه د PhD په سویه د علمي کادرونو فراغت د ننګرهار پوهنتون او ټول هېواد لپاره د ویاړ او افتخار ځای وباله او زیاته یې کړه، چې د پوهنتون اداره به د لوړو زده کړو وزارت په ملاتړ د یاد پروګرام او ورته نورو اکاډمیکو برنامو د پیاوړتیا او پرمختګ لپاره لا زیاتې هلې ځلې وکړي.

د غونډې په دویمه برخه کې ښاغلي عبدالواحد لیاقت د (اللقطة احکامها و تطبیقاتها المعاصره) تر سرلیک لاندې له خپل پایلیک دفاع وکړه او د ګډونوالو پوښتنې یې ځواب کړې، چې د ژوري هیئت له خوا یې دفاع مثبته ارزیابي شوه.

د یادونې وړ ده، چې د ننګرهار پوهنتون د شرعیاتو پوهنځي د فقهې او قانون څانګې دکتورا پروګرام په ۱۳۹۳ لمریز کال کې رامنځته شوی، چې اوس مهال په کې ۱۰ تنه په زده کړو بوخت دي او ۱۹ تنه یې په دوه دورو کې له تدریسي پروسې فارغ کړي دي.

تازه خبرونه

یکشنبه ۱۴۰۵/۹/۱ - ۱۵:۵۶
Background image

د وردګ پوهنتون په علمي – څېړنیز کنفرانس کې د ننګرهار پوهنتون ګډونوال څېړونکي استادان وستایل شول.

ننګرهار پوهنتون خپل هغه استادان وستایل، چې د لوړو زده کړو محترم وزارت په رهبرۍ او وردګ پوهنتون په کوربه توب جوړ شوي (د عالیقدر امیرالمؤمنین شیخ الاسلام حفظه الله تعالی و رعاه د فرمانونو. . .

شنبه ۱۴۰۵/۸/۲ - ۱۳:۱
Background image

د ننګرهار پوهنتون محصلینو ته د مشاورې مهارتونو او رواني روغتیا په اړه معلوماتي سیمینار وړاندې شو.

یاد سيمینار چې د دې پوهنتون د محصلانو خدمتونو او همغږۍ امریت په هڅو د ښوونې او روزنې پوهنځي د ارواپوهنې او پیداګوژي څانګې دوو تنو استادانو له خوا ترسره شو، پر مهال یې سلګونو تنو محصلینو. . .

چهارشنبه ۱۴۰۵/۷/۲۹ - ۱۱:۴۵
Background image

د ننګرهار پوهنتون کارکوونکو ته اداري فساد سره د مبارزې په اړه معلوماتي سیمینار وړاندې شو.

د ننګرهار پوهنتون کارکوونکو چارو امریت اړوند وړتیا لوړونې عمومي مدیریت په نوښت د اداري فساد مخنیوي، ورځینو چارو لا روڼتیا او د یوې سالمې، ځواب ‌ویونکې او شفافې اداري فضا تأمین په موخه د. . .

BACK TO NEWS

User account menu