د ننګرهار ولایت لپاره د افغانستان د اسلامي امارت د لوړو زده کړو عالي کمېسون فوق العاده استازي د یوه پلاوي په ملتيا د نړيوال اسلامي پوهنتون د ودانيزو چارو څخه لیدنه وکړه.

nu_admin
شنبه ۱۴۰۰/۷/۲۴ - ۹:۴۴
image

 

د ننګرهار ولایت لپاره د افغانستان د اسلامي امارت د لوړو زده کړو عالي کمېسون فوق العاده استازي قاضي خالد صداقت په داسې حال کې، چې د ننګرهار پوهنتون یو شمېر استادانو يې ملتيا کوله، د نړیوال اسلامي پوهنتون ساحې او همدارنګه د یاد پوهنتون د احاطې دېوال پروژې ترسره شوې چارې له نږدې وليدې.

ښاغلي صداقت د پوهنتون د ساحې نه د لیدنې پر مهال وویل، چې د لوړو زده کړو وزارت محترم مشرتابه ترې د نړیوال اسلامي پوهنتون لپاره د ځانګړې شوې ځمکې، د احاطې دېوال د کار څرنګوالي او ځینو نورو مسایلو په اړه معلومات غوښتي، چې په همدې خاطر یې د ننګرهار پوهنتون د محترمو استادانو په ملتیا، چې په تېر کې یې ددغې سترې پروژې د نظارت دنده په غاړه لرله، سیمې ته سفر وکړ.

نوموړي زیاته کړه: د اسلامي همکاریو د سازمان له خوا یاده پروژه د قطر هېواد ته سپارل شوې، چې د اسلامي امارت د لوړو زده کړو سرپرست وزیر شیخ عبدالباقي حقاني ورسره په دې اړه لومړنۍ خبرې کړي او ډېر ژر به ددې سترې پروژې چارې بیاځلي پیل شي.

د هغه په وینا، په سيمه کې مېشت قومونه د نوموړې پروژې په تطبیق کې له امارت سره همکار دي او تمه ده، چې د يادې پروژې چارې به څرنګه چې پلان شوي، په هماغه ډول پرمخ ځي او پر وړاندې به يې هيڅ ستونزه او خنډ نه رامنځته کېږي.

د یادونې وړ ده، چې د نړیوال اسلامي پوهنتون لپاره د ننګرهار ولایت د روداتو په ولسوالۍ کې ۱۰۰۰ جریبه ځمکه ځانګړې شوې، چې د احاطې چارې یې نږدې ۸۰ سلنه پر مخ تللي دي.

تازه خبرونه

شنبه ۱۴۰۵/۸/۲ - ۱۳:۱
Background image

د ننګرهار پوهنتون محصلینو ته د مشاورې مهارتونو او رواني روغتیا په اړه معلوماتي سیمینار وړاندې شو.

یاد سيمینار چې د دې پوهنتون د محصلانو خدمتونو او همغږۍ امریت په هڅو د ښوونې او روزنې پوهنځي د ارواپوهنې او پیداګوژي څانګې دوو تنو استادانو له خوا ترسره شو، پر مهال یې سلګونو تنو محصلینو. . .

چهارشنبه ۱۴۰۵/۷/۲۹ - ۱۱:۴۵
Background image

د ننګرهار پوهنتون کارکوونکو ته اداري فساد سره د مبارزې په اړه معلوماتي سیمینار وړاندې شو.

د ننګرهار پوهنتون کارکوونکو چارو امریت اړوند وړتیا لوړونې عمومي مدیریت په نوښت د اداري فساد مخنیوي، ورځینو چارو لا روڼتیا او د یوې سالمې، ځواب ‌ویونکې او شفافې اداري فضا تأمین په موخه د. . .

چهارشنبه ۱۴۰۵/۷/۲۹ - ۱۱:۴۲
Background image

د ننګرهار پوهنتون محصلینو ته د سلام اچولو د اهمیت او فضیلتونو په اړه اصلاحي سیمینار وړاندې شو.

د ننګرهار پوهنتون دعوت او ارشاد امریت له خوا د دې پوهنتون لیلیه محصلینو ته په اسلام مبارک دین کې د سلام اچولو د اهمیت، فضیلتونو او ټولنیزو ګټو په اړه اصلاحي او معلوماتي سیمینار وړاندې. . .

BACK TO NEWS

User account menu