د ننګرهار پوهنتون مرکزي کفيټریا له جوړېدو وروسته ګټې اخیستنې ته وسپارل شوه.

sakhizada_admin
پنجشنبه ۱۴۰۰/۱/۵ - ۱۰:۲۵
image

 

یاده وداني د پوهنتون د پرمختیایي پلان سره سم په ۴۱۶ متر مربع ځمکه کې د دوه هالونو، درې دوکانونو، یو ستر پلورنځي، عمومي اشپزخانې او نورو اړینو ملحقاتو په لرلو سره د عثمان عزیز سوداګریز شرکت له خوا د شپږو میاشتو په موده کې جوړه او د وري په ۴مه نېټه د ننګرهار پوهنتون د رئیس پوهاند دوکتور خلیل احمد بهسودوال له خوا رسماً افتتاح او ګټې اخیستنې ته وسپارل شوه.

په همدې مناسبت جوړه شوې غونډه کې د ننګرهار پوهنتون رئیس پوهاند دوکتور خلیل احمد بهسودوال، د علمي چارو مرستیال پوهندوی دوکتور محمد حامد کډوال، د محصلانو چارو مرستیال پوهنوال سید اکرم هاشمي، د ننګرهار د ښار جوړولو او ځمکو رئیس انجنیر محمد صادق دولتزي، د بېلابېلو پوهنځیو رئیسانو، استادانو، محصلینو او اداري کارکوونکو برخه لرله.

د ننګرهار پوهنتون رئیس پوهاند دوکتور خلیل احمد بهسودوال د پرانیستې وینا پر مهال د پوهنتون په مرکزي کمپس کې د کفیټریا جوړېدل لویه لاسته راوړنه وبلله او زیاته یې کړه، چې په دې سره به په اړونده برخه کې د محصلینو او استادانو زیاتې ستونزې حل شي.

نوموړي د کفیټریا مسؤلینو ته سپارښتنه وکړه، چې د جوړې شوې کړنلارې له مخې دې خپلو مراجعینو ته په مناسبه بیه معیاري خدمات وړاندې کړي.

د ننګرهار د ښار جوړولو او ځمکو رئیس انجنیر محمد صادق دولتزی او د پوهنتون د محصلینو په استازولۍ د ژورنالېزم او عامه اړیکو پوهنځي محصل عزت الله منصف د پروګرام نور ویناوال وو، چې د کفیټریا په ارزښت او اهمیت یې خبرې وکړې او په ننګرهار پوهنتون کې یې د هغې په پرانیسته د خوښۍ څرګندونه وکړه.

د غونډې په وروستۍ برخه کې د پوهنتون د مرکزي کفیټریا مسؤل ډاکتر احمدالله خبرې وکړې او ژمنه یې وکړه، چې د پوهنتون د ادارې سره په همغږۍ به خپلې چارې پر مخ وړي.

تازه خبرونه

شنبه ۱۴۰۵/۸/۲ - ۱۳:۱
Background image

د ننګرهار پوهنتون محصلینو ته د مشاورې مهارتونو او رواني روغتیا په اړه معلوماتي سیمینار وړاندې شو.

یاد سيمینار چې د دې پوهنتون د محصلانو خدمتونو او همغږۍ امریت په هڅو د ښوونې او روزنې پوهنځي د ارواپوهنې او پیداګوژي څانګې دوو تنو استادانو له خوا ترسره شو، پر مهال یې سلګونو تنو محصلینو. . .

چهارشنبه ۱۴۰۵/۷/۲۹ - ۱۱:۴۵
Background image

د ننګرهار پوهنتون کارکوونکو ته اداري فساد سره د مبارزې په اړه معلوماتي سیمینار وړاندې شو.

د ننګرهار پوهنتون کارکوونکو چارو امریت اړوند وړتیا لوړونې عمومي مدیریت په نوښت د اداري فساد مخنیوي، ورځینو چارو لا روڼتیا او د یوې سالمې، ځواب ‌ویونکې او شفافې اداري فضا تأمین په موخه د. . .

چهارشنبه ۱۴۰۵/۷/۲۹ - ۱۱:۴۲
Background image

د ننګرهار پوهنتون محصلینو ته د سلام اچولو د اهمیت او فضیلتونو په اړه اصلاحي سیمینار وړاندې شو.

د ننګرهار پوهنتون دعوت او ارشاد امریت له خوا د دې پوهنتون لیلیه محصلینو ته په اسلام مبارک دین کې د سلام اچولو د اهمیت، فضیلتونو او ټولنیزو ګټو په اړه اصلاحي او معلوماتي سیمینار وړاندې. . .

BACK TO NEWS

User account menu