ننګرهار پوهنتون کې د کب۲۰مه د نیالګیو کېنولو ملي ورځ د یو لړ مراسمو په ترڅ کې ونمانځل شوه.

sakhizada_admin
پنجشنبه ۱۳۹۹/۱۲/۲۱ - ۹:۴۹
IMAGE

 

د یادې ورځې د نمانځې په مناسبت ننګرهار پوهنتون کې غونډه جوړه شوې وه، چې د پوهنتون د مشرتابه، استادانو او محصلینو سربېره په کې د ولسمشر سلاکار او د ننګرهار والي او د ولایتي ادارې رئیسانو او مسؤلینو برخه لرله.

د غونډې د پرانیستې وینا پر مهال د ننګرهار پوهنتون رئیس پوهاند دوکتور خلیل احمد بهسودوال د اقلیم په مثبت تغیر، کرنې، اقتصاد او نورو بېلابېلو برخو کې د نیالګیو کېنولو په ارزښت او اهمیت خبرې وکړې.

نوموړي وویل: دا چې ننګرهار یو ګرم سیر ولایت دی، د پوهنتون په ګډون زیاترو ادارو نږدې یوه میاشت وړاندې د نیالګیو کېنولو کمپاین پیل کړی، چې تر دې دمه په زرګونو نیالګي کېنول شوي، چې ددې ملي ورځې په نمانځې سره به دا لړۍ نوره هم چټکه شي.

د پوهنتون رئیس د نیالګیو کېنولو تر څنګ د هغې په ساتنه او پالنه تاکید وکړ او د ننګرهار ولایت مقام څخه یې مننه وکړه، چې دې برخې ته یې ځانګړې تګلاره جوړه کړې ده.

د ولسمشر ستر سلاکار او د ننګرهار والي ضیاءالحق امرخېل د جمهور رئیس مننه وکړه، چې د کب ۲۰مه یې د نیالګیو کېنولو ملي ورځې په نوم نومولې، چې له مخې یې په ټول هېواد کې ۲۵ میلیونه نیالګي کېنول کېږي.

نوموړي وویل: ننګرهار کې ۲.۳ میلیونه نیالګي روزل شوي، چې د کېنولو او ساتنې په موخه یې یو میکانېزم جوړ کړی او هرې ادارې ته یې په دې برخه کې خپل مسؤلیتونه سپارلي، چې په کېنولو سره به یې د اقلیم مثبت بدلون او ددې ولایت ښېرازي یقیني شي.

د ننګرهار چاپیریال ساتنې رئیس فیروز محمدزئي او د کرنې، اوبو لګولو او مالدارۍ رئیس انعام الله ساپی د غونډې نور ویناوال وو، چې د نیالګیو کېنولو ملي ورځې د موخو او همدارنګه د ونو او بوټو کېنولو د اړتیا او ارزښت په اړه یې د غونډې برخوالو ته معلومات ورکړل.

د غونډې په وروستۍ برخه کې د پوهنتون مشرتابه د ننګرهار د والي او ولایتي ادارې مسؤلینو په ملتیا د پوهنتون په انګړ کې د نیالګیو په کېنولو سره په دې ولایت کې د نیالګیو کېنولو ملي کمپاین پرانیسته وکړه.

تازه خبرونه

یکشنبه ۱۴۰۵/۹/۱ - ۱۵:۵۶
Background image

د وردګ پوهنتون په علمي – څېړنیز کنفرانس کې د ننګرهار پوهنتون ګډونوال څېړونکي استادان وستایل شول.

ننګرهار پوهنتون خپل هغه استادان وستایل، چې د لوړو زده کړو محترم وزارت په رهبرۍ او وردګ پوهنتون په کوربه توب جوړ شوي (د عالیقدر امیرالمؤمنین شیخ الاسلام حفظه الله تعالی و رعاه د فرمانونو. . .

شنبه ۱۴۰۵/۸/۲ - ۱۳:۱
Background image

د ننګرهار پوهنتون محصلینو ته د مشاورې مهارتونو او رواني روغتیا په اړه معلوماتي سیمینار وړاندې شو.

یاد سيمینار چې د دې پوهنتون د محصلانو خدمتونو او همغږۍ امریت په هڅو د ښوونې او روزنې پوهنځي د ارواپوهنې او پیداګوژي څانګې دوو تنو استادانو له خوا ترسره شو، پر مهال یې سلګونو تنو محصلینو. . .

چهارشنبه ۱۴۰۵/۷/۲۹ - ۱۱:۴۵
Background image

د ننګرهار پوهنتون کارکوونکو ته اداري فساد سره د مبارزې په اړه معلوماتي سیمینار وړاندې شو.

د ننګرهار پوهنتون کارکوونکو چارو امریت اړوند وړتیا لوړونې عمومي مدیریت په نوښت د اداري فساد مخنیوي، ورځینو چارو لا روڼتیا او د یوې سالمې، ځواب ‌ویونکې او شفافې اداري فضا تأمین په موخه د. . .

BACK TO NEWS

User account menu