د ننګرهار پوهنتون رئیس په ختیځ کې د سولې پلویان بنسټ مسؤلینو په ملتیا د ډاکتر ناکامورا پارک څخه لیدنه وکړه

nu_admin
یکشنبه ۱۳۹۹/۷/۱۳ - ۱۰:۳۵
image

 

د ننګرهار پوهنتون رئیس پوهاند دوکتور خلیل احمد بهسودوال په داسې حال کې، چې د پوهنتون یو شمېر استادانو او په ختیځ کې د سولې پلویان بنسټ مشر او بنسټګر نصرت الله بصیرزي یې ملتیا کوله، په ننګرهار پوهنتون کې د ډاکتر ناکامورا په نوم د جوړېدونکي پارک د جوړېدو له چارو لیدنه وکړه.

د لیدنې پر مهال د انجنیري پوهنځي استاد او د پوهنتون د ودانیزو پروژو څارونکي پوهنیار انجنیر محمد شاکر فاروقي د پارک د ودانیزو چارو په اړه د پوهنتون مشرتابه او راغلو مېلمنو ته معلومات ورکړل.

نوموړي وویل، چې د پارک ۸۰ سلنه چارې بشپړې شوي او پاتې کار به یې هم په راتلونکو دوه میاشتو کې بشپړ شي.

په ختیځ کې د سولې پلویان بنسټ مشر او بنسټګر نصرت الله بصیرزي د ننګرهار پوهنتون د مشرتابه او استادانو مننه وکړه، چې د پوهنتون د علمي او رغنیز پرمختګ لپاره هلې ځلې کوي او ژمنه یې وکړه، چې د خپل بنسټ له خوا به د څلور سوه زره افغانیو په لګښت د ډاکتر ناکامورا پارک د کنترول خونه او ځینې نورې برخې ورغوي.

د ننګرهار پوهنتون رئیس پوهاند دوکتور خلیل احمد بهسودوال د ښاغلي بصیرزي د نېک احساس ستاینه وکړه او له نوموړي څخه د مننې تر څنګ یې د ننګرهار پوهنتون په ټولو فارغانو او همدارنګه شتمنو هېوادوالو غږ وکړ، چې په خپلو مرستو ددې علمي او اکاډمیک مرکز ملا وتړي.

تازه خبرونه

شنبه ۱۴۰۵/۸/۲ - ۱۳:۱
Background image

د ننګرهار پوهنتون محصلینو ته د مشاورې مهارتونو او رواني روغتیا په اړه معلوماتي سیمینار وړاندې شو.

یاد سيمینار چې د دې پوهنتون د محصلانو خدمتونو او همغږۍ امریت په هڅو د ښوونې او روزنې پوهنځي د ارواپوهنې او پیداګوژي څانګې دوو تنو استادانو له خوا ترسره شو، پر مهال یې سلګونو تنو محصلینو. . .

چهارشنبه ۱۴۰۵/۷/۲۹ - ۱۱:۴۵
Background image

د ننګرهار پوهنتون کارکوونکو ته اداري فساد سره د مبارزې په اړه معلوماتي سیمینار وړاندې شو.

د ننګرهار پوهنتون کارکوونکو چارو امریت اړوند وړتیا لوړونې عمومي مدیریت په نوښت د اداري فساد مخنیوي، ورځینو چارو لا روڼتیا او د یوې سالمې، ځواب ‌ویونکې او شفافې اداري فضا تأمین په موخه د. . .

چهارشنبه ۱۴۰۵/۷/۲۹ - ۱۱:۴۲
Background image

د ننګرهار پوهنتون محصلینو ته د سلام اچولو د اهمیت او فضیلتونو په اړه اصلاحي سیمینار وړاندې شو.

د ننګرهار پوهنتون دعوت او ارشاد امریت له خوا د دې پوهنتون لیلیه محصلینو ته په اسلام مبارک دین کې د سلام اچولو د اهمیت، فضیلتونو او ټولنیزو ګټو په اړه اصلاحي او معلوماتي سیمینار وړاندې. . .

BACK TO NEWS

User account menu