د ننګرهار پوهنتون اداري، تقرر - انفکاک، نظم او دسپلين مجلسونه ددې پوهنتون د رئيس په مشرۍ ترسره شول.

nu_admin
سه‌شنبه ۱۴۰۳/۲/۱۱ - ۸:۳۷
Picture

په يادو کاري ناستو کې، چې نن د غوايي په ۱۰ مه نېټه د ننګرهار پوهنتون په رياست مقام کې ترسره شوې او ددې پوهنتون مرستيالانو، اړوندو پوهنځيو رئيسانو او ځينو امرينو په کې برخه لرله، د پوهنتون مالي، اداري، املاکو، د استادانو تقرر، انفکاک او يو شمېر نورو مسايلو په اړه په کې بحث او پرېکړې وشوې.

د ننګرهار پوهنتون رئيس شــيـ/خ انعام الله مدني د پرانيستې وينا پر مهال د ټولو پوهنځیو له رئیسانو مننه وکړه، چې د تدریسي بهیر د پیاوړتیا سربېره په خپلو اړوندو برخو کې مثبتې کړنې ترسره کوي او سپارښتنه یې وکړه چې د اداري مجالسو پر مهال د نيول کېدونکو تصامیمو په تعمیل کې جدي واوسي.

د پوهنتون رئيس د استادانو او محصلینو په حاضرۍ او ټاکلي وخت د پوهنځیو په کچه د شته ستونزو او اړتیاوو د لمنځه وړلو باندې ټینګار وکړ او زیاته یې کړه، د هر هغه چا کلک ملاتړی دی چې د پوهنتون د بهبود فکر ولري او د اصلاحاتو راوستلو په برخه کې هلې ځلې کوي.

د ننګرهار پوهنتون د علمي چارو مرستيال پوهندوی احسان الله ناصح او محصلانو چارو مرستيال پوهنيار حافظ سيد محمد قاسم هاشمي د خپلو ويناوو پر مهال خوښي څرګنده کړه، چې ننګرهار پوهنتون د کيفيت د تضمين پروسې د ارزونې په پايله کې تر ټولو لوړې نمرې ترلاسه کړي او دا يې د ننګرهار پوهنتون د استادانو، منسوبينو او محصلينو لپاره ستر وياړ وباله.

د نوموړو په وينا، نږدې راتلونکي کې به د يوې غونډې په ترڅ کې ټول هغه استادان او مامورين تشويق او وستايي چې د اقليم بدلون نړيوال کنفرانس او د کيفيت د تضمين پروسې پلي کېدو په برخه کې يې زحمتونه ګاللي دي.

د يادو مجالسو پر مهال د پوهنتون کارکوونکو ته د ظرفيت لوړونې لنډمهاله روزنيزو برنامو تنظيمولو، پوهنځيو لپاره د لازمو سهولتونو اماده کولو، ليليې، املاکو او ځينو تدارکاتي مسايلو په اړه خبرې وشوې او تصميمونه ونيول شول. 

د مجلس په وروستۍ برخه کې د ننګرهار، لغمان او بامیان پوهنتونونو د استادانو د تقرر ۷ کيسونو، انفکاک ۲ کیسونو، نظم او دسپلين ۵ کيسونو او ځینو نورو متفرقه موضوعاتو په اړه بحث او لازمې پرېکړې وشوې.

سرچينه: د عامه اړيکو، اطلاعاتو او نشراتو امريت

تازه خبرونه

شنبه ۱۴۰۵/۸/۲ - ۱۳:۱
Background image

د ننګرهار پوهنتون محصلینو ته د مشاورې مهارتونو او رواني روغتیا په اړه معلوماتي سیمینار وړاندې شو.

یاد سيمینار چې د دې پوهنتون د محصلانو خدمتونو او همغږۍ امریت په هڅو د ښوونې او روزنې پوهنځي د ارواپوهنې او پیداګوژي څانګې دوو تنو استادانو له خوا ترسره شو، پر مهال یې سلګونو تنو محصلینو. . .

چهارشنبه ۱۴۰۵/۷/۲۹ - ۱۱:۴۵
Background image

د ننګرهار پوهنتون کارکوونکو ته اداري فساد سره د مبارزې په اړه معلوماتي سیمینار وړاندې شو.

د ننګرهار پوهنتون کارکوونکو چارو امریت اړوند وړتیا لوړونې عمومي مدیریت په نوښت د اداري فساد مخنیوي، ورځینو چارو لا روڼتیا او د یوې سالمې، ځواب ‌ویونکې او شفافې اداري فضا تأمین په موخه د. . .

چهارشنبه ۱۴۰۵/۷/۲۹ - ۱۱:۴۲
Background image

د ننګرهار پوهنتون محصلینو ته د سلام اچولو د اهمیت او فضیلتونو په اړه اصلاحي سیمینار وړاندې شو.

د ننګرهار پوهنتون دعوت او ارشاد امریت له خوا د دې پوهنتون لیلیه محصلینو ته په اسلام مبارک دین کې د سلام اچولو د اهمیت، فضیلتونو او ټولنیزو ګټو په اړه اصلاحي او معلوماتي سیمینار وړاندې. . .

BACK TO NEWS

User account menu